انا تقريبا وضعي مثل وضعك لكن اصعب شوي الحمدلله على كل شي جبت ابني البكر الله يحفظه ويخليلي اياه يا رب وبعدين كنت اخد حبوب منع وبعدها قررنا انو نجيب كمان طفل والله سبحانه وتعالى رزقنا ببنتي الله يحفظها يا رب وبعدين سافرنا على دبي اول ما وصلت على دبي بشهر تاخرت الدورة انجنيت وصرت ادعي لربنا انو ما اكون حامل ( استغفر الله العظيم ) لانو كانت بنتي صغيرة عمرها 8 اشهر وبتزكر كانت رمضان ودعيت من قلبي اني ما اكون حامل ( يا رب استغفرك واتوب اليك ) وما طلعت حامل وبعد ما رجعنا على الاردن صابتني اوجاع مختلفة وكنت اخذ ادوية للعلاج وللاعصاب وما كنت مفكرة بالحمل ابدا والان لما صارت بنتي 6 سنوات ورفعت الادوية فكرت بالحمل وحملت ولكن على الشهرين اجهضت وزعلت وراحو سنتين للان عملت فحوصات ما طلع اشي بس ما حملت ولما عملت قبل شهر فحص هرمونات وللغدة الدرقية طلع عندي ضعف شديد بالمبايض وبالغده الدرقية عمري الان 37 سنة والدكتور حكالي من نتيجة الفحوصات صعب الحمل لكن مو مستحيل بس الطامة الكبرى كانت انو ( يمكن يصيبني يأس مبكر ) يا رب لا اعتراض على حكمك ...............
اخدت كلوميد وابرة تفجير ولكن قدر الله وما شاء فعل ................ اليوم شرفت الدورة قبل شوي
الدنيا الان مسودة بعيوني وحاسة حالي مخنوقة ...... مو عارفة شو اعمل ................
يا رب استغفرك واتوب اليك