باقي لي اربع ايام وادخل التاسع
وعادة يقولون البكرية تتأخر وهالمعلومة خطأ تماماً
كل صديقاتي اللي ولدوا بنات ولدوا بثاني أو ثالث يوم التاسع
والوحيدة اللي ولدت ولد هي اللي عوشرت
وفي بنتين كانوا قبلي بـ 15 يوم ما شاء الله عيالهن الحين أعمارهن اسبوع
بالاضافة اني دوم اتحرك بسبب ظروف دراستي
واحس بالام الدورة مثل ما نبهني الدكتور
بس الشي اللي بسأل عنه
انا احس بنغزة سكين من الاسفل حتى ما اقدر امشي بعدها
اجلس في الارض من الألم وتدوم ثواني وتروح
هل هذي تباشير ولادة
انا شايله هم ولادتي لاني بروحي للاسف
وزوجي دوامه يبعد عني بثلاث ساعات ومسكين يروح كل يوم ويرجع ست ساعات بالخط
لانه متحسب وقت الولادة
بس طول اليوم انا بروحي وكمان عندي هالسنة مناقشة ماجستير
وهي نهاية شهري التاسع
حاسه ان كثير اشياء فوق راسي مو بس شايله هم الولادة
مثل اي حامل
دعواتكم لي وطمنوني
اتمنى بس ولادتي تكون اول التاسع
واللي ربي كاتبه راح يصير