[- تـالـيـن ..]

المشاركة الأصلية كتبت بواسطة ρυяỉтч •

تالين كريم سودو رهيب لا ينزل من شنطه البيبي نهائيا
بيريحك من التهاب الحفاضات ، انا جربت اغلبيه الكريمات وارتحت على سودو من ايام بنتي الكبيره والحين عمرها ٧ سنوات
حتى اي التهاب لو مو حفاض على طول احط منه يروح طوالي ..
بالنسبه لنوع الحفاضات انا بصراحه بامبرز ولا اشتكي من الريحه ابد ؟ مدري عن البنات ليش يشتكون
بس بامبرز فيها عيب لو استخدمتيها مايصير تغييرنها
انا مره خلص البامبرز واخذت بيبي جوي ولبست بنتي ، الله لا يوريك احترقت المنطقه وانهبلت عليها
وقالي الصيدلي عشانك غيرتي النوع ..
وحمواتي يستخدمون بيبي جوي ومره مرتاحات عليهم .. يقولون ان البيبي يطول فيهم ولا يحتاجون غيرونها
حتى حماتي مرات تخلي الحفوضه بنتها ٨ ولا ٩ ساعات .. تقول عادي
ف انتي شوفي ايش تبغين ، ،بعد بيبي جوي اوفر وارخص من البامبرز .. وكلهم كويسين بالتجربه
بالنسبه للبودره ، فيه بدون ريحه اذا خايفه على صدره .. وفيه اللي يجيك خطها بنفسجي حقت ماقبل النوم
مررره تريح البيبي ، وعن نفسي احب البودره وعند كل غيار لازم احط والحمدلله عمره ماجا عيالي شي
اهم شي لازم الطفل يلمسه المويه ، يعني لا تعتمدين ع البودره والفاين المعطر .. بيعدملك بشره الطفل
والمويه مهمه لنموه وتشد جسمه وتريحه كمان
ف انتي لازم تشطفين له بمويه ، لا تستخدمين الفاين المعطر الا بوقت مضطره مثلا طالعه .. او بعد ماتغسلينه وتنظفينه عشان ريحتها حلوه ،
بس انتبهي اذا بنوته لا تستخدمين البودره والفاين المعطر على المنطقه الحساسه عشان مايسببلها حساسيه

الله يجزاك خير كفيتي ووفيتي
تسلمين ماقصرتي ان شاء الله بشوف اللي يناسبني واجربه
ربي يحفظ لك اولادك ويسهل علينا وعليك يااارب