يا حبيبتي هاي المشاكل جداً عادية وخصوصاً باول سنة زواج .. وانا كل ما اشوف عروس بنصحها تتحمل مشاكل أول سنة لحتى يتفاهمو شوي.
والله أنا بتذكر إنه اول سنة من زواجي كانت كلها مشاكل وكنت احس حالي إنخدعت بزوجي وندمت على زواجي
بس هلأ إلنا متزوجين 4 سنوات ما شاءالله
وزوجي ما شاءالله أحلى من هيك مافي بتعامله وبأسلوبه وبكل شي وخصوصاً مع وجود بنوتة بحياتنا
ووقتها عرفت إنه بالسنة الأولى ما بكون فيه تفاهم لأنه كل واحد إله اطباع خاصة وبعدين بصير فيه تفاهم وبتقل المشاكل بس بدها شوية وقت لحتى تتعودوا على بعض
وإنتِ كمان لا تضلك كئيبة وزعلانة لأنه هالشي بأثر على زوجك كمان ورح تضل حياتكم مشاكل
انا حاسة فيكِ لأنه عندك مشاكل وكمان الغربة صعبة بس لازم تقنعي حالك إنه حياتك رح تتحسن ورح تتعودي عالغربة
وجربي فترة لما تشوفي زوجك تضحكي ولو كنتِ زعلانة ... يعني تمثيل ... وناقشي معاه باسوب منيح شو بتحبوا وشو بتكرهوا
يعني لا تحكي عن حالك إنتِ بس خليه هو كمان يحكي
ولما يحكيلك إنك قانطة من رحمة ربنا إحكيله مافي أرحم من ربنا وانا بعمل إللي عليّ وربنا إللي بحاسبني
وإذا ضل يرجع يحكي بنفس الموضوع خلص لا تناقشيه وطنشي لأنه رح يزهق بس لا تبيّني إنك تدايقتي من حكيه
والنفسية بتأثر على موضوع الحمل ...ريحي نفسيتك إذا حابة تحملي
الله يهدي زوجك ويشفي أمك ويرزقك الحمل آميييين يارب العالمين
اتمنى اكون افدتك