شوفي حبيبتي حاولي تخلصي امورك يعني عالتاسع تكوني خلللص مجهزه كل شي حتى شنطه المستشفى لان في التاسع ممكن في اي وقت تولدي ونصيحه الطبيعي افضل متى ماجا وقتك اولدي مو انتي تروحي وتقولي يلا ولدوني ترى كل ماجلس الجنين في بطن امه افضل له لوقت يشوفو الدكاتره اذا مثلا طولتي يتطمنو على وضع الجنين وكميه المويه والمشيمه اذا شاخت ولا باقي توكلي على الله ياقلبي ..
بالنسبه للتجهيزات انا غلقت كل اموري في السابع ووقت دخلت الثامن كنت مخلصه الحمد لله يارب باقي بس اجهز شنطه المستشفى جهزيها في نص الثامن ...
عندي شنطه صغيره بحط فيها .. قميص قطني - ستيانه رضاعه - سروال قطني طويل - منشفه للاستحمام - مرطب شفايف - شبشب الله يكرمك - مزيل عرق - فرشاه ومعجون .. بالنسبه لملابس النونو المستشفى اللي بولد فيه هم يلبسوه من عندهم بالاول يرفضو ياخذو شي ثاني لوقت الخروج من المستشفى باخذ داخلي وبربتوز ابيض وقبوع وكفوف وكوفله كلها ابيض في ابيض .. تقريبا هذه اللي باخذها او الاصح هذا اللي اتذكره الحين لاني ان شااااء الله بولد طبيعي وشفتي جلوسي بالمستشفى يوم واحد .. بالنسبه للفوط والكلوتات الداخليه اللي استعمال واحد المستشفى يوفروها لك مادام خاص ..
خذي ملابس للنونو من 0 الى 3 شهور افضل وبالنسبه للنيوبورن خذي بس ماتكثري مرره يعني 4 قطع كويسه لان ماحد يدري كيف بيكون وزن النونو اختي ولدت على اول التاسع وملابس النيوبورن استخدمتها لوقت صار ولدها عمره شهر ونص تخيلي لانه جا صغيييير عشان كذا ماتدرين كيف بيكون الجنين عرفتي ..
بالنسبه لمفرشك انا ما افضل اللي بالالافاااات لان زي ماشفتي المنتديات كلها حتى هنا يعرضون الحريم مفارشهم ويقولو استعمال واحد واللي استعمال اسبوع يعني مايستفيدووون منها ويتندمون وعلى طول يحاولو يبيعوها وفري فلوسك بشي ثاني خذيلك مفرش حلو وحركات افضل ... بالنسبه لتحضيراتك للضيوف حلوة وتمام كذا.. ربي يقومنا جميعا بالسلامه يارب