تالين مالقيتي الا هالمجرمه تروحين لها
أنا بحملي اللي قبل كنت اراجع عندها
لمن السادس وبعدين رحت لوحده ثانيه
بس تعرفين ايش سوت بي
هبلت بي جننتني
بس عشانها بشرتني بالحمل قررت اراجع عندها
بس الله لايوريك
كل ماسالها عن شي قالت يالله يالحريم تحبون تسألو كثير
قلت أكيد ابي اتطمن علي البيبي وأشوف كيف صحته
والمشيمه وكله
قالت لاتخافين اذا في شي بعلمك
وانا صراحه اول مره اشوف زي كذا دكتوره
هذا كوم ولمن اسألها عن الجنس تقول موباين
قلت قولي اذا بنت واذا ولد عادي كلهم اهم شي الخلقه التامه
لا وازيدك من الشهر بيت
علي الشهر الثامن رحت لها وكنت تعبانه سخونه وزكمه
قالت تنويم قات لها مابي اتنوم أعطيني علاجات بس
قالت لا في خطر علي البيبي وانه احتمال تجهضين البيبي
ومن هالكلام لما أقنعتني بكلامها
وتنومت وكانو شغالين بالإبر والمغذيات الليل كله
وهم لسه ماعرفو أيش فيني بس سوت تحاليل
وقالت تطلع علي الصبح
ومن جات بالصباح تخيلي وش قالت لي
قالت معك حمى التوفيد
قلت متأكده قالت إيه شوفي التحاليل
وانا عشان مااعرف للانجليزي كثير صدقتها
وبالنهايه وحده قالت لي من اللي كانو معي بالغرفه متنومين
قالت يابت لاتصدقيها انتي تحسين بحراره واستفراغ ومن أعراض كثيره قالت لي عنها
قلت لا مافيني ولاشي من هاذي الأعراض
قالت شكلها ضحكت عليكم الدكتوره مافيك ولاشي اطلعي
ومن جات السستر سألتها قلت صح معي حمي ماردت علي ضحكت وطلعت من الغرفه
وبعدها خبرت زوجي وجا طلعني وطلب منها التحاليل
واعطته الملف وشالت ورقه التحليل منها
بغي زوجي يشتكيها
قلت ماعليك منها الله ينتقم منها دولي ماهمهم الا الفلوس
وهي نفس اللي رحتي لها عصمت بالتونسي *