ياحبيبتي الولادات تختلف ..
ف بكري ماكنت اعرف الولاده فما حسيت فيها كانه حلم وصحيت منه ..
ف ولدي الثاني على قولتك شفت الموت بعيوني .. نزيف وتقطعت من تحت عجزوا يكملون خياطه .. لدرجه كانوا بيدخلوني عمليات
جد انجنيت رسمي كنت اترجا الدكتوره اقولها ابي اموت برا تكفين .. حتى هي حزنت علي وجابولي استشاريي وولدي دخل العنايه
يعني ولاده مإساويه ليومك مو قادره انساها مع ان ولدي الحين بالروضه .. بس الالم والوجع بين عيوني عجزت انسي
ببنتي اللي بعد الولد سبحان الله بس ، فرق السما عن الارض ولا تكررت معي الحاله ولا نزفت وولدت بسرعه الحمدلله
وطلعت بنتي معي وصحتها تجنن .. يعني ١٨٠ درجه فرق بين الولادتين
انا مالومك من الرعب اللي تعيشينه ، لاني انا الى الان مو ناسيه ولادتي اللي قبل ٦ سنين واحسها كابوس بين عيوني
بس لاتعيشين نفسك بضيقه .. عندك انا مثال تعرضت لولاده نفس ولادتك متت وحييت فيها ، وبعدها ولدت ولاده ثانيه من جد اتمناها لك ..
سهله وسريعه مدري متى بدت ومدري متى انتهت ..
وربي وقتها رزقني بدكتوره عسوله وممرضات عسولات ورعايه توب .. الحمدلله يارب
فعيشي الحمل براحه نفسيه وحاولي تطردين الوساويس وتمتعي ب التسع الاشهر الجايه لان نفسيه الحامل تضر الطفل
ربي يسهلك ويرزقك من اوسع ابوابه ، ويسهلي ولادتي ذي ويرحم حالنا يارب