كيف الصبايا شوفوا القصة .. .. أول أمس كنت اتفرج علي مسلسل تركي .. .. لاقيت ان الام جابت لاولادها سمكات زينة .. المهم السمكات دول ماتوا وشوفت اد ايه الولاد اتأثروا بهذه اللحظة .. وكيف تعبوا لدرجة انهم دفنوا السمكات مثل ما ندفن البشر .. المهم .. أمس بعد خروج الولاد من المدرسة .. سمعت طرقات الباب ففتحت .. وفوجئت ان الولد شايل كرتونة وجواها شيئ بيصوصو فسألت ايه داه قالي كتكوت .. طبعا انا أتعصبت كثير لدرجة قولت له ما يدخل الشقة .. انا فعلا بخاف من هذه الامور وتركهم برة الشقة فعلا .. .. وبعدين صعب عليا الكتكوت فدخلته .. بالكرتونة وفضل الولاد يأكلوا يحطوه له مويه وأكل قولت لهم هذه الكتاكيت ما بتعيش بتموت بسرعة .. ما صدقوني وكانوا فرحانين كثير بالكتكوت وبيلعبوا معاه .. نمت وصحيت بليل ما سمعت صوت الكتكوت .. فروحت اشوفه لاقيت مات طبعا زهلت وخوفت كثير لدرجة تخيلت ان روحه بتطلع عليا فتركته لحين ما الولاد تصحي .. خوفت اطلعه بره الشقة ليتهموني بقتله ولما صحيوا اليوم للمدرسة البنت راحت تشوفه افتكرته نايم .. .. فقولت لها مش نايم قالت أووومال ايه ؟ ما رديت عليها .. والولد راح يشوفه قالها داه مات .. وفضلوا ياعيني يبكوا كثير قلبي انفطر عليهم .. كثير زعلوا وبالعافية سكتهم .. والولد كثير متأثر .. فحاولت أهديهم شوي وعمالة الاعبهم وقولت لهم باعملكم مفاجأة اليوم لما تيجوا من المدرسة .. فكرت أروح اشتري لهم هدايا حتى أخفف عليهم شوي صدمة موت الكتكوت وكأنه من العيلة المهم أي أم لا تستهون بمشاعر الاطفال وتحاول تتعامل مع هذه الظروف بشكل مناسب لان الاطفال مايفهموا بالي احنا فاهمينه .. وواعين عليه لازم كل أم تحاول تخلي بالها من هذه الامور حتى لا تترك أثر عند الاولاد وان شاء الله اليوم لما اشتري الهدايا واشوف رد فعلهم .. وأشوف اذا حاولوا ينسوا ولا لا ابقي اجي احكيلكم ..