[مشتاقةلبيبي]

Red Velvet Cake

الريد فيلفت الكل يعرفه تقريباً بس أنا هنا قريت عنه بمدونة
أجنبية وكانت مسويته لمناسبة خاصه وشكله مررره رايق وحبيت الطريقة ..
قلت اخليكم تشوفونها يمكن تعجبكم

المقادير..

2 ونص كاس دقيق منخول

نص م صغيرة ملح
2 م متوسطة كاكاو
إصبع ونص زبدة
واحد ونص ك سكر
3 بيضات
فانيلا
كاس حليب نكون أول ما نبدأ حاطين فيه ملعقة صغيرة خل أبيض راح يطلع لنا شي بديل إسمه ( بتر كريم )
2 م ك لون احمر
نص ملعقة ك بيكربونات الصودا</B>
نسوي الكيك عادي جداً ..
أول شي نخلط الزبدة والسكر لما تكون مثل الكريمة ونزيد البيض عليهم
والفانيليا .. بعدين نبدأ نحط الحليب بالتناوب مع الدقيق المنخول مع الكاكاو الباودر
والبيكربونات ..
واللون نحاول لو بودرة نذوبه مع الحليب أفضل ..

نحطه بالفرن على درجة حرارة متوسطة ..
فكرة الكيك هنا يكون بصينية مستطيلة ونقطعه على شكل قلوب بأي قطاعة عندنا
أو لو عندنا صياني كب كيك قلوب برضو توفي بالغرض وتوفر جهد ووقت وكيك

الحشوة << يفضل نسويها قبل وتكون بالثلاجة ..

جبنة فيلا دلفيا 200
كاس سكر ناعم
ثلاثة ارباع كاس كريمة الخفق
فانيليا ..

نبدأ نقص الكيك بالنص ..

ونحط جواته الحشوة اللي سوينا ولوناها بالوردي
أو نقط من الأحمر ..

بنات نحط الحشوة بشكل عشوائي عادي جداً
مو لازم مرتب .. المهم يطلع على الأطراف ..

ونرجع نقفلها بالطبقة الثانية ..
ونبدأ نرش على كل الكريمة اللي طالعة من الوسط
اي سكر ملون عندنا .. او اي شي حابين
انا حبيت هالنوع صراحة ..

كريم كرآميل |

ظرف كريمة - 2 بيض - قشطه - ف سكر - ك حليب بودرة - 2 ك مويه - فانيلا م ص

تخلط كل المقآدير فالخلاط ثم تصب في قدر على النآر اليين تغلي
وفــ الوقت هذآ قبل لاتغلي الكريمه نحرق فنجآن سكر فصينيه الكريمه اللي مفتوحه من الوسط اكيد عرفتوهآ
اليين يطلع لونه ذهبي على بني
بعد مآتغلي الكريمه نصبهآ على الصينيه اللي حرقنآ فيهآ السكر ( حجم الصينيه صغير ) < واذآ تبون حجم الصينيه الكبيرة ضآعفوا المقدآر
بدآل الظرف نحط ظرفين والبيض 4 و ..... الخ

ندخلهآ الثلاجه الى وقت التقديم تقلب فـ صحن مسطح وتقدم بالعآفيه .
من الذ الطرق اللي جربنآهآ واسهلهآ .

تشيز الفرآوله بطريقتي الخآصه |

اسهل واسرع تشيز ويوآجه بعد متمآسك

الطبقة الاولى |

بسكويت شوكو سآندويتش الاحمر مطحون الكمية حسب صينيتك ممكن 4-6
اعجينيه بزبدة ورصيه بالصينية ( الصينية وسط )

الطبقة الثآنيه |

2علبة زبادي - 10 فناجيل حليب بودرة - 4 فناجيل سكر - 2-3 م ص جلي آحمر <~ الكميه حسب الرغبه تبينه فوشي والا وردي
ندخلها الفرن لـ حد ماتتماسك يعني تقريبآ ربع سآعه من تحت .

نخليه يبرد شوي ثم نضيف الطيقة الاخيرة .

الطبقة الثآلثه |

جلي + مآء

نسوي نفس الطريقة اللي مكتوبه على الكرتون - بس ننقص كوب مآء عشآن يطلع متمآسك
يصب على الطبقة الثانيه ونضع كميه قليله عشان يطلع نفس حقي انآ ابي الجلي يصير طبقة رقيقه
( والبآقي من الجلي حطوه فكآسآت تقديم وعطوه آخوآنكم الصغآر )

يترك ليبرد ثم يقطع بقطاعة دائرية ويقدم

تيرآميسو|

الطبقة الاولى |

باوند كيك - نسكآفيه - مويه

الطبقة الثانيه |

( أ )

2 ظرف كريمه - 2ونص ك مويه - 4 م ك حليب بودره - نسكآفيه

( ب )

ظرف دريم ويب -علبه قشطة التاج - علبه بسكويت شآهي

التجميل |

كآكآو بودرة

نجي للطريقة |

الطبقة الاولى- نقطع الباوند كيك الى شرائح ونصفه فصينيه التشيز كيك (الوسط او الصغيرة )
ونسقيه ( بـ مآء + نسكآفيه ) وتخلي نكهته لذيذه .

الطبقة الثانيه نحط مقادير (أ) على النآر وبعد مآتغلي
نسكبهآ فالخلاط ونخلط معهآ مقآدير (ب) وكلهم (أ)+(ب) ينخلطون فالخلاط .

وبعد الخلط نصبهآ على الباوند اللي حطينآه فالصينيه , ندخلهآ الثلاجه من 3-4 سآعات

وعند التقديم , ترش بكآكآو بودره <~ انتبهوا ترشونهآ بدري لان الخلطة بتتشرب الكاكاو واحنآ نبيه يصير زي المخمل

وبالعآفيه عليكم .

سلاد فوآكه|

جيبي كل الفوآكه الي تحبينهآ ( برتقال- موز - تفاح - كيوي - كرز - خوخ - فرآوله - عنب - اناناس .... الخ

وقطعيهآ صغآر واخلطيهآ فـ صحن وحطي معهآ ( نص عصير ليمونه - م ص سكر )

وقدميهآ وهنآ انآ سويت 3 افكآر للتقديم

توضع الفوآكه فـ كآسآت التقديم وتجمل بـ بآي فيلينق او مربى والمكسرآت اللي تحبين ( لوز - فستق ..الخ )

او | توضع فـ كآسآت التقديم ثم يصب عليهآ عصير مآنجو وتجمل بكرز او مكسرآت

اتمنى انها تحوز على اعجابكم....

يالله تفننوا في رمضان....