[ταGняєєḏ]

" كآري الدجاج "


اول شيء حبيت اقول انا ماحطيت الوصفه الا لأنها الذ و اسهل و اسرع اكله ذقتها و سويتها بحياتي * شفت كثير منزلين كاري الدجاج بس كانت طريقته صعبه علي * هالطريقه سهله جداً وماتاخذ منك ربع ساعه .





* المقادير :

بصلة كبيره مفرومه .
4 فصوص ثوم مدقوقه .
ملعقه كبيره زنجبيل طازج مبشور .
4 صدور دجاج مقطعه مكعبات .
3 طماطم مقشره و مقطعه مربعات .
ملعتين كبار صلصة .
نص كوب كريمة خفق .
نص كوب ماء دافيء .
ملعقة كزبره مفرومه .

* البهارات : " مهم مهم مهم ولا ينقص ولا شيء منها والا بيتغير كل الطعم وكلها مقدار ملعقه صغيره "

ملعقة ملح .
ربع ملعقة فلفل اسود .
ملعقتين مليانات بهار الكاري الهندي .
نص ملعقه كركم .
نص ملعقة كمون .
نص ملعقة شطة مجروشه " يمكن بدالها شطة بودره ".
نص ملعقة كزبره .
نص ملعقة بابريكا .






* الطريقه :

على نار عاليه مره حطي زيت بالقدر و البصل و الثوم و الزنجبيل و احمسيهم زين .



اذا بدا يتغير لون البصل حطي صدور الدجاج وشوحيها لين يتغير لونها وتحسين انها استوت نص استواء .



إذا استوا الدجاج نص استواء حطي فوقه " الطماطم * الصلصة * و البهارات كلها بعد ماتخلطينها مع بعض مثل ماسويت انا بالصوره " وحركيها زين لدقيقه .



بعدين اذا تسبكت المقادير كلها الحين نحط كريمة الخفق + نص كوب ماء دافيء * وحركي لين يطلع لك اللون الاصفر * حطي الكزبره فوقها و غطي القدر و قصري على النار * لمدة خمس دقايق بس عشان يستوي الدجاج استواء كامل




قدميه مع رز او خبز * وعافيه على قلوبكم




صور لكاري الدجاج بنفس الطريقه


كآري الدجاج