[أم ولودي]

مادري متى موعدي حق الولاده بس اني بالاسبوع 39 انا مشكلتي مشكله تخيلوا يابنات كل دكتور معطيني موعد صار عندي اربع مواعيد مدري امشي على ايش لان الدورة تكرمون مش منتظمه زهقت وطفشت وكرهت حياتي اول موعد 10/ 1 واخر موعد 8/ 2 وبينهم موعدين مدري وش اسوي ومين اصدق وش هالخربطه ضايق صدري ضيقه قويه وامس غلطت غلطه غبيه كان عندي اخر مراجعه للتحليل الدوري والسواق مالقيته ومايرد علي وزوجي كان نايم رحت عنده قومته وكأني حسيت بنبرة عصبيه قمت خفت شوي ههههه وسويت نفسي تعبانه وبولد عشان مايعيي يوديني الموعد الاخير حق التحاليل الشامله وهو انخرع وقام قال وش فيك بتولدين ؟ قلت ايه وهو الي اوحى لي بالفكره ورحنا المركز الصغير وهو استغرب قال هنا مافي ولاده الولاده بالمركزي الكبير قلت ايه هنا بتسوي لي فحوصات هناك اخاف ينوموني ومن هالكلام ياقلبي صدق يوم سويت تحاليلي طلعت وانا مافيني الا العافيه قال ها وش صار بتولدين قلت لا تقول توك مو اللحين قال اجل وش كان فيك قبل شوي قلت مغص عادي هو سكت ورجعني البيت وامس بليل جاني مغص وانا طالعه عند حرمه دقيت عليه قلت فيني مغص برجع البيت قال طيب بس ترا انتي نصابه ولا حولك ولاده ولا صدقني ابد انا تفشلت واللحين اخاف يصير لي مثل الراعي والذيب اخاف تجيني ولاده صدقيه ومايصدقني والله خايفه واهوجس فيها لانه دوامه احيانا يطلع بعيد واحيانا يطول وانا الي بقعد فيها شفتوا الغباء حقي هو السبب المهم بنات انا طفشت وضايعه مره مدري متى موعد ولادتي ومنثبره اناظر الناس تولد وانا مكانك سر المشكله اختباراتي النهائيه 23/ 2 ومدري وش اسوي ،،، على فكرة اذا قفل التجمع علموني وين بتجتمعون لاتنسوني ،،،، وام سلطان من اليوم ادعيلها مدري وش صار عليها ودي اقولها تاكل تمر لازم مايصلح تجلس بدون اكل التمر ماراح يظرها بالعكس مره بيفيدها والا شرايكم