[عطر الربيع]

تبدأ المعصية بخطوة .. بعد ذلك يحدث ما يتوقعه أى ذو عقل !!

مفيش حد الشيطان بيقوله تعالى اكفر .. أو بيقوله تعالى بقى بطل صلاة و ابعد عن ربنا خالص ..

لأ .. ده بيبدأ معاك بمعصية ممكن تشوفها صغيرة وتستهين بها .. و بعد ما تتعود عليها ياخدك للمرحلة اللى بعدها .. معصية أكبر شوية بس برضو مش شايفها حاجة كبيرة .. بعد كده معصية تجر معصية ..

فتجد الناس يتخبطون فى معاصى كبيرة جداً لم تخطر له على بال !

قال تعالى "لا تَتَّبِعُوا خُطُواتِ الشَّيْطانِ إِنَّهُ لَكُمْ عَدُوٌّ مُبِينٌ "البقرة 168

هو عدوك !! متخيل هيعمل فيك إيه لما يتمكن منك ..

والله الواحد بينظر لحال الشباب من تجرأ على الذنوب من شتايم و إختلاط مع البنات و ترك للصلاة و استهانه بالمحرمات و يكاد يبكى و يقول كيف وصل الحال بهم لهذه الدرجة .. فيعلم كيف تمكن الشيطان منهم ..

فاعلم ان الشيطان لا يدخر لك أى شفقة .. و أمله انه يجعلك أسفل السافلين ..

فاحذري و يا أختى .. من اتباع أى خطوة من خطوات الشيطان ..فأنت لا تعلم عاقبة ما تُقدم عليه ..

اللهم اجعلنا ممن يستمعون القول فيتبعون أحسنه .. اللهم آمين ..