بنااااات تكفووون تكفووون سامحوني
تراني كل هالوقت كنت ادخل بمعرف الاخت اللي مثل اسمي
الاختلاف بس بالاقواس
وكنت ابحث عن موضوعي هذا ومستغربه كيف فيه مواضيع ماقد كتبتها
من جد استغرب ان الاسمين برقم سري واحد ههههههههههههههه
اتمنى الاخت اللي ايميلها يارا تسامحني والله ماأدري
وابشركم دعواتكم تحققت لي الله يرزقكم مثلها واحسن
قرأت ردودكن علي وفرحت فيها
ودعيت لكن بالمثل .. تعليق تعليق
والله من الفرحه مانمت للان قلت لازم اروح لهن وارد على اسئلتهن
الحمدلله اكتب لكم والبيبي نايم جنبي الله يخليه لي ويطول بعمره ويعطيه
الصحه والصلاح
ويرزقني بتوأم اخوان له
قولووو آميييين 
انا برجع لكن بالتفاصيل وحابه افتح موضوع نصائح للنفساء
واقص عليكم قصة ولادتي وانفكاك غرزة من خياطتي وكيف تصرفت
كلام كثيرررررر بس محتاجه انام وارجع لكم
توي مخلصه الاربعين الحمدلله
على عجاااله برد على الاخت
اقتباس:
المشاركة الأصلية كتبت بواسطة نور منوره
اسمهان ربي يسعدك ويوفقك
بما انك طالعه من تجربه الكذب والخداع بالزواج
بقولك قصتي باختصار تكفين ساعديني تعبت
أنا تزوجت ناس نعرفهم بالطيب وكنت احسبهم زي مااسمع عنهم
ولكن اخدعوني من 2 يوم زوجي عرفت انه مريض بالصرع
تعبت نفسيتي وأستأنس مثل كل عروس بس قلت يابنت اصبري
وصبرت وبعدين طلع معه ضعف شديد مره بالحيوانات المنويه
وبعدين راتبه كله قروض لابوه مايصفى من راتبه الا ألفين
الحين ابيه يتعالج مافي ما عنده فلوس
وانا تعبت ابي اطفال
وش اسوي أساعده او قلب حياته نكد واروح بيت أهلي
هو طيب وحبيب ويحاول يسعدني بس مابيده شي
وأمي تقول ما عليك منه الرجال مالهم أمان. وانا مدري وش اسوي
ودي أبيع ذهبي له عشان يتعالج ونفرح بالضنى
تكفين من تجاربك تكفين شوري علي
وربي تعبانه نفسيه للعلم ماحد من اهله يساعده
ولابوه ولاحد
وانا مافيني صبر
|
تسلمين ياقلبي
والله حزنت لقصتك وحبيت اقولك اذا فيه امل لو تعالج والامل كبير
خوضي التجربه وانا اختك
الرجل اذا هو حبوب ويحبك وطيب علميه يتسنع وعالجيه بدون ماتضحين
تضحيات كبيره لانه فعلا الرجال مالهم امان
بس حاسه انه حبيب ولاينعوض
الله يرزقك بالتوأم اللي يملووون حياتك
لاتيأسين ابد ابد ابد
اعرفي علتك وعلته بالتفصيل أقرأي وثقفي نفسك لاتستسلمين للاطباء
ترا بعضهم ماعنده سالفه والله اقولها لك عن تجررررررررربه
كوني انتي طبيبته وأبدأي الان الله يرزقكم