[أنا مسافر]

المشاركة الأصلية كتبت بواسطة احلى ماما ~

كيفككم يا اححلى ححوامل ان شاءالله مو متعبكم الحمل. بس يلا ههانت مابقي شيء الحمدالله انا مسافر حبيبتي اذا ماعليك امر تقدرين تكتبلئ ايش الاشياء اللي شرتييهها. انا بكرية وعندي اختبارا ت وباقي ما اشتريت ولا اي شيء لا ليا ولا للبيبي ولا للنفاس

انتي من جدة يا قلبي
فما ادري اذا المحلات الي شريت منها
عنكم منها فروع أو لا ..

وانا كمان بكرية مثلك ◠‿◠
بس شريت ولا ادري عاد اذا فيه
شي ناقصنيي او لا واذا الي اخذته
بيكون بعيدين ماله داعي عاااد مدري

بس الاساسات للأم :
- مفرش نفاس ( لسريرك )
- جلابيتين رضاعة ( قطعتين )
- جلابية فخمه للاستقبال
- شباشب فخمه
- تجهيز شنطة المستشفى
من الشهر الثامن.
- أغراض لك من الصدلية:
مطهر بيتادين - كريم ميبو - قطن للصدر
شفاطة الصدر ( يقولو مهمه لان الحليب
يتحجر وتألم خصوصاً البكريات )
كلوتات حق استخدام واحد- فوط صحية
مخصصة للنفاس.
- بجامات داخلية لان بيكون برد.
- سنتيانات اكبر من الحجم الي
استخدمه وبدون حديد اريح في اللبس.
- شال دافي.
- كلوتات 5 أكبر من المقاس الي استخدمه
لان بالنفاس بيسمن الجسم شوي.
- قميصين للنوم مخمل ثقيلات وساترات
وفيها فتحه امامية للرضاعه ( انا ما البس
بيجامات فـ بكثر من المخامل لان بكون في
بيت اهلي )
- شرابات ( جوارت ) ثقيلة وقطن.

اساسيات الطفل :
- مهادات - صداريات ( العدد 5 )
- بربتوزات داخلية ( العدد 8 )
- رضاعة - مصاصه - مساكة المصاصة
فرشة لتنظيف الرضاعة - فرشة لتنظيف
الحلمة.
- سرير للطفل - مفرش لسريره - مخده
صغيرة - بطانية اطفال خفيفة.
- اوفرولات ( العدد 8 ).
( حاولي البربتوزات والافرولات تاخذي
ثنين مقاسها نيو بورن عشان يكون قد
البيبي لان يمكن تولديه صغير مره ).
- طقم كامل للمولود ( مهاد وافرول
وقبعة وقفاز وصدارية ) للضيوف
تلاقيه في سنتر بوينت ( العدد 2 ).
- حوض الاستحمام مع منشفه مع
شامبوهات مع ادوات النطافة:
مشط - فرشه - مقص اظافر -
مبرد - بودرة جسم - ليفه ناعمه.
- مخدة لرضاعة الطفل.
- جوارب للطفل ( العدد 3).
- شنطة لاغراض الطفل.
- مطهر للختان - مسحات للسر البيبي.
- مفرش لتغيير الحفاظ - حفاظ بامبرز
- مقسم للحليب - حليب - حافظ
للماء الدافي (اذا بترضعي صناعي)
بس جربي طبيعي أول يمكن تقدري
ولا تحتاجي للصناعي إن شالله.
- جهاز مراقبة الطفل.
- دولات ضغير لملابس البيبي في
فترة النفاس.
- مناديل رطبة - اكياس للحفاظ
بعد الانتهاء من استعمالها.
- فوط صغيرة للطفل اذا استفرغ.

كل الي كتبته موجود في سنتر بوينت
إن شالله من دخله بتخلصين كل اغراض
البيبي ، موفقه في اختباراتك ‏​ ♡