[هبهوبة]

السلام عليكم و رحمة الله و بركاته ..

عندي سؤال حابة اعرف جوابو من عدة شخصيات
صرت أسأل حالي يا ترى بس أنا الي هيك بفكر و لا تفكيري طبيعي

سؤالي (( هل تحبين حماتك ))

أنا حماتي بسم الله عليها ما شا الله للآن ما شفت منها غير كل خير
مع هيك بحس حالي ما بحبها .. أو بحبها من بعيد لبعيد ..

يعني ما بحب اني اختلط معها ..

بعد تفكير طويل .. توصلت للسبب

السبب : هو أني بشعر بالغيرة منها على زوجي ..
و لما بكون زوجي و أمو و أنا .. بحس أنو هنن التنين شخص واحد .. و أنا هو العنصر الغريب عنن .. يعني لما بكون معن بحس بالغربة و الوحدة و بفضل أنسحب

ملاحظة : الحمد لله مافي مشاكل بيني و بين حماتي للآن و بعاملها بما يرضي الله
أنا بس عمبعرض الأفكار الي عمتدور ببالي

بتمنى تشاركوني ..