[الشوق عطري]

{ عند الخطـوبـه [ ] } ~

وهـي الأشياء اللي لآزمـ تسوينهآ عند الخطبـه :
وتنقسمـ الى ثلآث مرآحـل



اول مـرحـله ~

مو عليك هاذي على اهلك..السؤال لازم اهلك يسألون عنه كويس حتى لو كان قريبكم (في المسجد..جيرانه.. زملائه في العمل واصدقائه )
صدقوني هالخطوه مهمه مويومين او ثلاث وتقولون ايه زين (ترى اذا فات الفوت ما ينفع الصوت) وعلى فكره الوسامه
والمركز الاجتماعي وكثره المال مو هي اللي بتخليه يسعدك لاكن اذا كان زين والاشياء او بعضها فيه خير على خير
بس صدقوني وهالكلام يعرفونه المتزوجات اهم شي الاخلاق والدين
اهم شي صدقوني


ثـاني مـرحـله ~

والله سألتوا عنه وطلع الرجال زين وصار فيه ارتياح نفسي مبدئي تروحين حبيبتي توضين
وتفرشين السجاده وتصلين وتستخيرين الله يعني تدعين ( اللهم اني استخيرك بعلمك واستقدرك بقدرتك و
اسألك من فضلك العظيم فانك تقدر ولا اقدر وانت تعلم ولا اعلم وانت علام الغيوب
اللهم ان كنت تعلم ان زواجي من فلان خير لي في ديني ودنياي وعاقبة امري فقدره لي ويسره لي
ثم بارك لي فيه وان كنت تعلم ان زواجي من فلان شر لي في ديني ودنياي وعاقبه امري فاصرفه
عني واصرفني عنه واقدر لي الخير حيث تشاء ثم بارك لي فيه)
ادعي وانت خاشعه وبعدها
ان حسيتي براحه توكلي على الله ووافقي
وان حسيتي بضيقه صدر الله يرزقك غيره
واذا ما حسيتي بشي توكلي على الله واذا مو خيره ربي راح يصرفه عنك



ثالث مرحـله ~

الان تمت الموافقه تجي النظره الشرعيه
- لاتبالغين في شكلك بعدين ينصم فيك بعد الزواج ويمكن يسمعك كلام ما تحبين تسمعينه.
- الشعر سرحيه تسريحه حلوه وبسيطه اهم شي مايكون على وجهك عشان يبان الوجه واذا شعرك
مو ناعم لا تستشورينه الافضل تحطين جل وتجعدينه وتحطين ورده صدقيني بيطلع حلو وخليك طبيعيه احلى.
المكياج .. ان كا ن ولا بد فاونديشن خفيف.. ولا تخفين عيوب وجهك الكبيره .
كحل من جوا العين
بلاشر خفيف .. لانه يمكن مع الخوف يصفر وجهك فيصير تعويض
قلوس خفيف.. وصدقيني مع الابتسامه الحلوه بتطلعين قمر
وعلى فكره اصلا الرجال الاغلبيه منهم ما يحبون المكياج الثقيل
(بس يموتون بالكحل بدون شدو والقلوس . يعني الشفايف هههههههههههه)
اللبس..اهم شي يكون ساااااااااااااتر ترى مو محرم لك وتذكري ممكن أي شي تسوينه
حرام يكون سبب لعدم توفيقك .. الله يوفق الجميع
المهم اللبس زي ما قلنا ساتر+ غير مبالغ فيه
لكن هنا يجي الذكاء .. يعني هنا البسي احلى ماعندك وعلميه انك تعرفين الذوق والشياكه
وبكذا راح يشوفك طبيعيه وانيقه ( ترى راح يقول بنفسه هاذي وهي بدون مكياج ولبسها كذا اجل وشلون . تـرى الرجال خيالهم واسع)

- اذا دخلتي مو على طول تناظرين لا ادخلي بحياء(بس مو عاد مره تمصخونها) وخليك واثقه ( بالمختصر طبيعيه)
واذا جلست شوي بعدين ارفعي وجهك شوي وناظري فيه بس خليك خجوووووووووله ومبتسمه ترى يموتون في البنت البشوشه
مو اللي كن عمرها 70 هموم الدنيا فوق راسها ويمكن مع ابتسامه حلوه ونظره حلوه منك يطيح في حبك
- البعض عند النظره يسأل البنت كم سؤال عالطاير عشان يسمع صوتها وياخذ لو فكره عن تفكيرها عشان كذا
- لا تخلين خجلك الزايد يمنعك من الكلام بس خلي اجوبتك واضحه ومختصره والصوت واضح لاكن واطي وكله انوثه



وبالتوفيق للجميع

[ الحين كل بنت بتنخطب تروح تسوي بروفات . ] ~


:

.. يتـبـعـ { } ~