السلام عليكم ورحمة الله وبركاته
كيفكم حبيباتي أن شاء الله كووووولكم طيباات
انا قررت استخدم جهاز فحص الاباضه اشتريت جهاز من صيدلية النهدي قال لي الصيدلي انه افضل جهاز موجود مكتوب
عليه بالعربي انجاب فيه 5 شرائح لفحص الاباضه و 2 اختبار للحمل مجانا سعره 175 ريال قلت له ابغى جهاز كلير بلو
لفحص الاباضه قال في افضل منه وبدليل قيمته كلير بلو ب 150 ريال وانجاب افضل بكثير المهم اشتريت علبتين ب 350 ريال
انا دورتي منتظمة لكن قلت ابغى 10 شرائح عشان ابدأ من اليوم العاشر للدورة ما ابي افوت يوم المهم اليوم هو اليوم العاشر
استخدمت الجهاز الساعه 2 الظهر ولازم اكون قبل الاستخدام ما دخلت الحمام لمدة 4 ساعات ولازم استخدمه كل يوم نفس الساعه
تقريبا انا تبويضي يكون يوم 16 لكن بدات من اليوم العاشر وكانت النتيجه خط واضح وخط خفيف جدا يعني اذا ما كان في تبويض
ماراح يطلع خط خفيف يعني انا في بداية التبويض انبسطت كثيير وان شاء الله يوم عن يوم يغمق الخط انا راح احط كل شي
يصير معي هنا لحد موعد دورتي القادمه راح تكون في 8 ديسمبر اسأل الله العلي العظيم اني احمل بولد صالح آميييييين
كمان بقولكم انا سمعت كثيير ان الاناناس ينشط التبويض بالمرره يوم كانت علي الدورة كنت اشرب 3 علب في اليوم عصير
سيزر الاناناس العلبه الصغيره ب 3 ريال او عصير الربيع وباقي مستمره عليه وراح اوقفه يوم 13 من الدوره عشان لو حصل
حمل مايصلح الاناناس للحامل على حسب ما سمعت ..