[ام حمود الحلو]

المشاركة الأصلية كتبت بواسطة ام مزيون

انا بصراحه تجربتي مع مستشفى الولاده كانت اليمه اليمه
وبصراحه إذا تذكرت يجيني هم بسببهم
باختصار عذبوني تعذيب جاني طلق بعد تحريض وظل نص سم يومين وانا اطلق طلق حار كل نص دقيقه بالضبط لا أنام ولا اكل ولا اشرب وبعدها طلق صناعي أبرتين في الوريد وآخر شي عمليه قيصريه لأنهم مانتبهوا الا متأخر ان راس البيبي مانزل في الحوض
وبعد العمليه تعبت حيل ظليت اكثر من 3 شهور وانا اتنوم واطلع من المستشفى وماحسيت بنفاس ولا حاجه كله منومه وحراره توصل 39.5 وانتفض في السرير من شدت الحراره واطلب السستر ولاحياة لمن تنادي حتى اللي كانت منومه يمي جزاها الله خير تطلع لهم وهم عند الباب وتقول مريضه تعبانه قومي شوفيها وماتعطيها وجه تقول لها بعدين بعدين يمكن اكثر من 7 مرات تروح لهم مسكينه وهم بس يقرقرون عند الباب ويكتبون في الملف لان بيغيرون الشفتات وتاركيني من 11 الى 6 الصباح لما جات مناوبة الثانين جات تسال بكل برود اش فيك اخ بس والدكاتره مو عارفين شو المشكله مره يقولون مويات مجتمعه في بطنك ومره صديد ومضادات كثيره بالوريد تنقبو يديني لين ماظل مكان . هذا غير الحمامات الله يكرمكم وساخه وحشرات منقعه والمشكله انه قسم الولاده القيصريه مفروض تعقيم ونظافه حتى المرحاض الله يكرمكم مكسور يعني اذا جلستي تتبللين من الميه اللي فيه ولما تبين. تغتسلين مافيه هوز ماي مقطوع لازم تروحين الجهه اللي تتروشين فيها وتغسلين بالدش وانتي اصلا عمليه قيصريه مو قادره تتحركين والماي احيانا ينقطع ومايصير فيه ماي
بجد بجد تعذبت والمشكله الدكتوره اللي سوت لي العمليه الله لايوفقها في الدنيا والاخره كل ما اتالمت واشتكيت تقول انتي مافيك شي خايفه اشتكي عليها لان في مريضه ثانيه منومه هي مسويه لها العمليه بس 4 ايام واتقيح الجرح لانها مستخدمه ادوات غير معقمه هذا كلام الدكتور اللي استدعوه من مستشفى الملك فهد لي وطلبت انه يكشف على جرحها وقال كذا
المهم أني كنت أتعذب من اي شي اكله او أشربه حتى المويه يجيني طلق بس الحمد لله اكتشفو علتي مستشفى الحرس الله يوفقهم وكان عندي ألتصاقات بسيطه في الأمعاء بس الحمد لله على كل حال والحين بخير وصحه ربي لك الحمد
عساس كذا ما ابي أعيد تجربتي الاليمه معهم فياريت تنصحوني بدكتوره شاطره أتابع حملي عندها ومستشفى زين ومضمون للولاده وجزاكم الله خير

الله يساعدك اختي والله التجربه اللي مريتي فيها واااضح انها صعبه وماااتنسى
بس حبيت اساعدك
انا خواتي ولدوو في الاحساء ومرت خالي بعد والحمد الله ماعليهم كلام مدحووو فيها
وانا ولدت في الموسى بس من 5 سنوات والحمد الله كنت مرتاحه معاهم
وبنت عمي ولدت في مستشفى حسين العلي وتقول الخدمه زينه ومريحه وماتعبت هناك
واي سؤال ان شاء ماراح اقصر !!!