[وفقني يارب]

المشاركة الأصلية كتبت بواسطة ام جنى الامورة

صباح الخير على الجميع
ريما بنصحك بقشر القهوة ممتاز بفتره الاربعين وترى طعمه مستساغ حطي معاه قرفه وميزته انه يشيل الكرش ويطلع الهواء بالرحم
والله يسهل عليك ويرزقك بأحلى موديل جوال ماحصلته ولا وحده بمنتدى حوامل

يابعد قلبي ياميما الله يسعدك يارب منجد راح عن بالي مرره قشر القهوه فعلا طعمه مقبول بس القرفه ماطيقها حتى بالسيناسبون مدري وش اسمه ذاك الحلى بس بحاول اجبر نفسي عليها انا كنت افكر اخذ لي قهوه وتمر لاني اموت بالقهوه وبالنسبه للجوال الله يصلحها بنتي تموت بالجولات بجميع انواعها قديم جدسد مايفرق معها وتاخذه وتركض وتبكي تقول حقي وتحط يدينها على وجها تقولين ذابحتها هالحين جوالي ابو كشاف ماعاد اسمع زين لين كلمت منه والسبب هي من كثر ماترميه وتطيحه فانا فكرت كل مره اشتري ابو كشاف ب 65 ريال وتخربه واجيب غيره ولا اجيب جوال بمبلغ وقدره وتخربه الحين زوجي استخسر فيني حتى ابو كشاف يقول يبي لك جوال حديد ولا لو تجلسين بدون جوال ابرك انتي مدلعتها شوفيني انا ماتقرب ايفوني ووهو نصاب لان الايفون على طول بالدرج البلاك الي مخليه بيده 24 ساعه بيدها ويكثر ماتطيحه وترميه قبل شهر لقيتها بالحمام الله يكرمك وتبي ترميه بالكرسي الافرنجي

المشاركة الأصلية كتبت بواسطة يارب الجنة

السلام عليكم
كيفكم ياحلوات ، صباح الخيرات
يالله كل وحدة تقول ايش اتفقت مع زوجها على تسمية البيبي
بنت والاولد لأني لسى مومتأكدة ، الولد زوجي يقول عمر .
أفضل الصيام.بعد.رمضان.شهر الله المحرم
🍂🍃🍂🍃🍂
الخميس 8/ 1/ 1434
يسن.صيامه لرفع الاعمال
🍃🍃🍃🍃🍃
الجمعة 9/ 1/ 1434
تاسوع لان بقية إلى قابل لاصومن التاسع
🍂🍂🍂🍂
السبت 10/ 1/ 1434
عاشور كفار سنة
🍃🍂🍂🍃
الاحد 11/ 1/ 1434
يلي عاشور ويفضل صيامه
🍂🍃🍃🍂
الاثنين 12 /1/ 1434
يسن صيامه ترفع فيه الاعمال
🍂🍃🍂🍂
الثلاثاء 13/ 1/ 1434
آول ايام البيض
🌓🌓🌓
الاربعاء 14/1/ 1434
ثاني ايام البيض
🌔🌔🌔
الخميس 15 /1/ 1434
اخر ايام البيض وترفع الاعمال
🌕🌕🌕
من استطاع فليبادر لاغتنامها ونشرها
📲⌛⏳📩
ومن لم يستطع فلينشرها فلا تدري من سيصومها بسببك
📨📨📨📨

انا والله ياقلبي اول ماحملت مخططه اذا ولد على اسم ابو زوجي واذا بنت على امي
واسم عمر مرره حلو الله يجعله مثل عمر الفاروق يارب ويرزقكم بره وصلاحه
اللهم كثر نسل السنه وقوي بينهم دينك وانصر بهم كلمتك ياااارب