السلام عليكم ورحمة الله وبركاته
انا عضوة جديده معاكن بس بدخل كتير اتصفح فى اقسام المنتدى من قبل
وحبيت افيدكن بتجربتى فى منظار الرحم
انا متزوجة من 4 سنوات ولم يحدث حمل وعملت كل التحاليل وعملت صورة صبغة وكله كان تمام وكمان عملت تلقيح صناعى مرتين وربنا لم يريد الحمل وكمان عملت اطفال انابيب مرة وكمان لم يحدث حمل فمنشان هيك قررت اعمل منظار خصوصا ان كمان زوجى سليم وربنا سهلها وعملت المنظار امس انا مقيمة فى الاحساء والحمد لله امس سويت المنظار فى مشفى الولاده والاطفال وكان منظار رحمى من المهبل وبصراحة سهل جدا الحمدلله خصوصا انى كنت مرعوبة منه لانى بخاف موت من اى شئ وكنت مفكرة انو بينعمل ببنج ولما الدكتورة قالتلى يللا عالكرسى منشان ساويلك المنظار حسيت جسمى كل بيترعش من الخوف قلتلها مافى بنج ضحكت على وقالتلى هو بسيط مايحتاج وتوكلت وقلت علقة تفوت ولا حد يموت وبدانا دخلت الالة المعدنية هادى وفتحت عنق الرحم ماحسيت بالم بس حسيت بضيق شوى وبعدها قالتلى يللا شوفى معى من شان تتاكدى بنفسك وشفت عنق الرحم وقالتلى الحمد لله كله تمام مافيه شى لاتقرحات ولاشي وعقمت عنق الرحم ودخلت المنظار هو الة رقيقة وفيها عدسة من الامام حتى انى ماحسيت فيها ابدا لما دخلته والدكتورة طمنتي على كل شى انه طبيعى وشافت كل شي وانا كمان اتاكدت وشفت بنفسي والحمد لله كله طبيعى وفل ..
الانا عايزة اوصله انه والله ياجماعة الموضوع هاد سهل كتير ومافيه اي الم ولا بيوجع خالص
يعنى لو اى وحده طلب منها تعمل منظار رحمى ماتتردد ابدا وتساويه على طول عن جدا وانا حبيت انقل تجربتى لاى وحده مرعوبة من منظار الرحم ......
وادعولى ربنا يرزقنى الولد الصالح ويرزق كل وحدة نفسها تحمل ويطعنا ولا يحرمن يارب انك مجيب الدعاء...
وهاى تجربتى اتمنى اكون افدتكم حبيباتى اسفى لانى طولت بالحكى