بصي يا حبيبتي اولا اللي عندك ده مش اسمه تكيس اسمه كيس عالمبيض وده يختلف التكيس هو بويضات صغيره داخل المبيض لم تنضج وبتكون حوالي عشره بتشكل زي العقد كده علي جدار المبيض وبتظهر كده في السونار اما اللي انت بتتكلمي عنه ده هو كيس عالمبيض انا حصلي الموضوع ده اكتر من مره
لازم قبل ما يعملولك عمليه بيراقبو الكيس ده يشفوه بيكبر والا لا وبعدين بيدولك حبوب منع الحمل بتنزل الكيس ده انا اخدت منها مره كان عندي كيس ونزل الحمد لله من مره واحده وبعدها بكام شهر لما اخدت كلوميد طلعلي كيس تاني كبير حوالي 6 سم والدكتوره قالتلي لازم عمليه وفتح بطن وحولتني اعمل اشعة رنين علشان نتأكد من محتويات الكيس وانا قلقت وقولت ده ورم مش كيس وسبحان الله علي ما رحت عملت الأشعه كان اختفي لواحده ودلوقتي علشان اخدت حقن منشطه طلعلي كيس تاني ومنزلش المرادي مع الدوره الدكتور قالي تلاته سم صغير فمتقلقيش يا حبيبتي روحي لدكتور تاني ومتعمليش عمليه الا لما اكترمن دكتور يقولك
انا اسفه اني طولت عليكي بس حبيت احكيلك تجربتي بأستفاضه ربنا يرزقك ويقر عينك بالزريه الصالحه ويرزقني وكل محرومه يارب