السلام عليكم حبيباتي
انا عارفة ان في بنات كتير كانت قلقانة علي امبارح
حبيت اعرفكوا ايه اللي حصل
انا رحت للدكتور امبارح وقلت له اني عملت اختبار منزلي وطلع خطين وبعدها ب3 ايام نزل دم كتيررر
قالي قد ايه يعني قلت حوالي فوطتين وفي كتلة نزلت قبل ما اروح العيادة
عملي سونار وقالي انا شايف حاجة بس مش واضحة قوي لان الحمل في اوله عادة بيبقي مش واضح قوي
وطلب مني تحليل "سالب او موجب"
الحمد لله النتيجة موجب
قالي لو طلع موجب هتعملي تحليل هرموني واعيده بعد 48 ساعة
وعطاني مثبتات وقفت الدم وقلي الراحة التامة
ولما سالته عن الدم قالي ممكن يكون سمك زيادة في جدار الرحم لاني كنت باخد فولي كاب بقالي 5 شهور
فالزيادة بتنزل بعيد عن كيس الحمل
وطمني وقالي نتيجة التحليل هي اللي هتبين الخطوة القادمة
يارب الهرمون يتضاعف
ادعولي يا بنات ان الهرمون يتضاعف
لاني بصراحة حاسة ان اعراض الحمل من الدوخة والغممان والزغللة قلت