انا لمن عرفت اني حملت رحت على مستشفى الولاده وشفت الموت هناك نفسيا وجسديا كل يوم دكتور شكل ومره حامل ومره لأ ومره مابان في التصوير ومره لازم ندخل الكاميرا تحت بس لمن رفضت واصريت على الرفض قالوا مافي غير انك تسوي تحليل هرمون وكل يومين يعيدوا التحليل عشان يتأكدوا ان الحمل قاعد يتطور
انا انجبرت اتنوم عندهم بس عشان يضبطولي السكر اما موضوع الحمل غاسله يدي منهم بقوووووه وفعلا لمن رحت سويت تصوير عند دكتورتي قالتلي كيس الحمل واضح وعمره خمس اسابيع بس النبض مايبين دحين الا في التاسع او فوق ....يعني اطمني يا قلببي ولا تشيلي هم وارتاحي وبالنسبه للتحاميل قالتلي دكتورتي انها راح تكتبلي اياها في الزياره الجايه عشان انا سبق لي واجهضت كم مره وقالتلي انها افضل واقوى من الدوفاستون
وبإذن الله زيارتك الجايه لها راح تسمعي نبضه وتطمني فلا تقلقي وادعيلي كمان اني اسمع نبضه في زيارتي الجايه
ربي يتمم علينا جميعا حملنا ويرزقنا بالذريه الصالحه