مســــاء الخيـــــر
كيفكــــم يا امهـــات
طبعا يعطيكم الف عافيه كلكم مشغولين بتحضيرات العيد =)
احســاس
====
القطن اكيد بتحسيه مو رسمي بس الاهم هو راحة البيبي ..هون في قطن مرتب شغل طلعات بيكون 3 قطع مع فيست و قميص ..و في كمان كوريدو خفيف هاد شغل رسمي و بنفس الوئت مريح للطفل خصوصا البيبي بلبس بامبرز لهيك بحسب حساب هالشي
الحلويااااات
ما في احلى من الحلو العربي المشكل بقلاوه و برمه و ........... كلو ههههههه
انا ان شاء الله تاني يوم العيد لمى نروح على ديترويت بدي اجيب من هناك حلويات
فيها محلات عربيه مشهوره بالحلويات كل سنه بجيب من كل صنف شوي
و برتبو في صحن التقديم و بيكون جاهز
ما بعمل حلويات بالاعياد
جارة القمر
===
ان شاء الله تخلصي مشتريات الاولاد و تلائي طلبك
انا بتحير كل مره ما باخد شي الا لمى اطلع على كل الموديلات و برجع للبعجبني اكتر
و طقمو ليزن كتير عجبني من وصفك حلو الابيض و الاسود و الاحمر مع بعض
ان شاء الله عيد الهنا حبيبتي
غموض انثى
===
تسلمي حبيبتي انتي الزوء
اها عرفتها قصة شعرك بدها شعر كتير ناعم و كمان جرأه لانو مو الكل بقص هيك قصات
انا مره قصيتها لبنتي لانا بس ستايل الاطفال بعمر صغير طلعت بتجنن عليها لانو شعرها كتير ناعم و وجها بيضاوي
هاد زوجك متل زوجي بحب الشعر القصير برشا هههه بس هلآ وصل لتحت الخصر و مو عارفه شو اقص و عادة ما بحقق رغبة زوجي لاني بحب شعري كتير اكتر من زوجي ههههههههه و ما بدي استغني عنو يعني اقصر طول عملتو هو قصة فرساتشي
هههههههههه ضحكوني التوانسه على قولك بدبحو و ما بوزعو الاضحيه ههههههه
لكان شو اسمها اضحيه و يوزع التلتين و يبقى التلت لاهل البيت
ام عمـــــر
===
و انتي بالف خير حبيبتي
ما في بالامارات اي اجواء عيد .. ما بتروحو على صلاة العيد او اي محلات ترفيهيه للاطفال صحيح الغربه صعبه بس حلو انو الواحد يشعر بالعيد
ح ــــيفــــــــــا
===
و انتي بالف خير ينعاد عليكي حبيبتي بالصحه و الهنا و بأحلى بيبي بين ايديكي
تسلمي على المعايده الحلوه
اكثري من الدعاء يوم عرفه وربي يحقق امنيات الجميع
سهـــــــــى
===
عيد اضحى مبارك ,,وينك عمري شاركينا انا و الصباياااااا بتحضيراتك للعيد
عاملين اجواء عيد مستقله في الدردشه هههههههههه بتمنى تكوني بالف خير انتي و العيله