[دلـــوعــه عـــــبوديـ]

شوفي اختي الي يقولك لاتدقين ولاتسوين ترا مو من مصلحتك انتي عندك بنت وش ذنبها تعيش كل هذا والله يصير بنفسيتها شي
واقرب مثال اقوله لك اختي من امي امي طلقت واختي عمرها 4سنين والحين هي متزوجه وعندها بنت المسكينه نفسيتها مره تعبانه مع انهأ كبرت واتزوجت وعندها بنت بس الي عاشته مو هين بعد عن امها والنقص الي تحس فيه حتى زوجها واهل زوجها يشتكون لامي منها وعلاقتها مع امي مو كويسه لبعد الحدود
انتي فكري بنتك ومصلحتها يعني لو قلت لابنتك اكلم بابا وش بتقول بتقول لاماما لا طبعا تبي ابوها لاتفكرين بحد ثاني لاتسالين لامك ولاختك ولاحد مايعرف مصلحه البنت الي عندك
بعدين انتي فكري ليش زوجي كذا يعاملني ايش المشكله الي تخلينا نتهاوش فيه احد يهرج عليه ويخرب سمعتي عنده فيه نقص فيني فكري بكل شي حاولي تفهمين منه او المشكله منه بس تسكتين كذا مستحيل توصلين لشي
ارسلي له رساله واكتبي له كل شي عن حبك له عن حاجه بنتك له عن فقدانكم له عن مستقبل بنتكم وعن البيت الخاص وانك حابه تكونو بيت واحد وكيف بتكونو مرتاحين
لا تقولي لا فكري بكلام الي فيه مصلحه لكم وبس لاتفركين وتقولين كرامتي وكذا ترا اذا فكرتي بطريقه هذي ماراح تنتهين ابدا

حتى اللاخت جنوني ماشاءالله عليه رجعت ومو زوجها الي رجعها يعني دورت مصلحتها ومصلحت بنتها فكري زين اختي