[دونات]

المشاركة الأصلية كتبت بواسطة دنيتي محمد

السلام عليكم
شخباركم ياحلوات
عندي سؤال لبنات الحسا
مين سوت عملية غسيل في مستشفى الولاده وهل يطلعونك في نفس اليوم ولا يوم ثاني
للأسف طلع حملي كيس فاضي وقررت انزله اليوم

حسب ماأذكر انا رحت لهم الاسعافات بالليل وأول الصبح بدري من أول ماطلع النور

نزلوني عالعمليات ...وبعد العملية خلوني يوم كامل عندهم
ثاني يوم جا زوجي وقالوله ممكن تطلع لأن حالي مستقر مافي مضاعفات
الحمد لله

الطابق اللي للعمليات مثلللج ونزلو اللي معاي بالغرفة قبلي نفس حالتي بالضبط
بعدين جاو نزلوني وخلوني بالسرير بالانتظار ليما يخلصون
ولما خذوني ودخلوني غرفة العمليات جاني الرعب
أول مرة أدخل عمليات بحياتي يمممه
مع ان الغرفة واسعة وبيضاء وحلوة شرحة >>>>> أم الفضاوة خخخخ
جاني أخصائي التخدير عند راسي وانا ادعو الله ان اللي تسوي لي التنظيف دكتورة
كلمني وسألني من متى ماأكلت وو الخ وبعدها أشوى جات دكتورة بغيت أطير من الفرح
كفاية فضايح

المهم كانو ثلاثة
دكتور تخدير واقف عند راسي ويكلمني ويضبط جرعة التخدير
والثاني واقف بعيد شوي يعني يراقب شاشة الضغط والقلب

والدكتورة في مكانها المفروض >>> تدرون وين

وبعد مدري كم الا أحس بفلبينية تجي وتصحيني تقولي يالله ماما اجلس خلاص نوم

عاد افتح عيوني ماشوف الا احنا كم وحده مصفوفين يم بعض
وكلنا مخدرين ..جاتني الضحكة بقوة بس كنت دايخة واللي معي بالغرفة وسوولها تنظيف قبلي
كانت جنبي كنا كلنا مصفوفين بغرفة الظاهر تابعة للعمليات
وشوي الا تجي وحده وتاخذنا تصعدنا بالسرير لغرفنا
وبس ...

عطونا حبوب مضادات وحديد وحبوب صغار قال الدكتور هذي عشان تنظف الرحم
ان باقي شي من الدم ينزل