السلام عليكم ورحمه الله
خواتي انا حملت بعد زواجي بسبعه شهور واجهضت على طول ماطول حملي ومابحثت عن الاسباب
وحملت بعد سته شهور ولله الحمد والحين صار لي شهرين
بس رحت اسوي سونار في الاسبوع السادس وكان الكيس واضح والجنين واضح والنبض يبين ويختفي شوي ماكان واضح مره يوم شفته
وطمنتني الدكتوره ان كل شي سلييييم ومافي اي شي وعطتني حبوب تثبيت لاني اجهضت قبل
وقالت تعالي بعد اسبوعين رحت وكل امل وفرحه لكن صدمتني الدكتوره لما جت تسوي لي سونار
قالت الجنين متوقف نبضه ولاوضحت لي الاسباب ورحت اليوم الثاني لدكتوره ثانيه
وقلت لها اني اول مره اسوي سونار قالت لي جنينك عمره 6 اسابيع والنبض مو باين
ببس ممكن حصل الحمل متأخر وعطتني موعد بعد 15 يوم
بنات طمنوني مين حصلها مثلي هل ممكن يكون حمل متأخر؟؟
وانا مانزل مني دم او افرازات ولا حسيت بأي الم ؟؟
وبغيت اسأل هل حبوب الدوفاستون تمنع نزول الجنين اذا كان ميت فعلاً؟؟
الكل نصحني اطنش كلامهم واصبر ومحتاره مررره