ياقلبي انت روقي اعصابك ولا تضايقي حالك
اول شي ياقلبي انت لساتك عروس حتى لو اخذتي زوجك عن حب
الانسان اذا اخوه الي بعيش معه عمر بيختلف معاه ف ما بالك بشي جديد دخل حياتك
بدك وقت الين تقدري تتشربي الامور تتفهميها
لان بالاول كل واحد عنده فكره ولازم يطبقها والزوج نفس الشي
في رجال بفكرو بطريقه انه لازم هو الي تمشي كلمته بخاف انه الناس تتكلم ع شخصيته انه مو قادر لمرته او من هالحكي
واي ام في هي الدنيا طبيعي انها تغتر هذا ابنها هي بتتخيل انه خلص مارح يضل الها
ف بتصير باي طريقه تحاول تدافع عن امومتها وممكن تصير شرانيه لهي الامور
لازم تتأقلمي مع الوضع وضلك حاولي تكسبي حماتك لصفك والله راح تكسبي زوجك ع طول
وتذكري انه بضلها امه ورضاها هو توفيقكم بهي الدنيا
لما تزوريها اقعدي جنبها توددي الها
الكلمه الطيبه الها دور بالحياه
انا ما بحكيلك لا تحطي حدود لحياتك
بس كوني شاطره وكيف تحطيها ومع الايام زوجك راح يتعود
في مثل بحكيلك ابنك على ماربيتيه وزوجك على ماعودتيه
وان شاء الله ربي بيسر امورك وبيرزقك الذريه الصالحه
وبحنن قلب زوجك عليك