كيفكن بنات اشتأتلكن كتير معك حق ندى التجمع فاضي الي شهر غاطة وهلأ لما دخلت مافي غير كام مشاركي ليش هيك بنات!!؟؟ والله التجمعات التانيي عم تغلي غلي انا لألكن ليش ماعم ادخل
لان اهل زوجي عندي وحماتي مابدا اياني انشغل عنها لادقيقة وانا عايفي حالي من الحمل طول النهار نعساني وتعباني وماعم اقدر ارتاح ولااتسطح طول اليوم مشغولي فيهن حتى مع اهلي دايب ألبي عليهن ماعم يصرلي مجال احكي معهن لان بصحى من النوم الساعة١١ ومباشرة لازم جهز الفطور ولبين ماضب السفرة بدي التها بالمطبخ نص ساعة وبعدها لازم اعملن قهوة واشربا معن بترحلا شي ساعة بتكون صارت الساعة عندي بعد التنتين وعند اهلي بتكون ١٢ بالليل واهلي بنامو بكير وازا صحيت قبل ال١١ بتحس علي وبتقوم ومابصير اتركها ولادقيقة هاي جريمي عندها آآخ يابنات له تعبتني قبل ماتجي كنت طول النهار متسطحة وكل يومين كنت احكي مع اهلي واتطمن عليهن ونتسلا وين ايام زمان ياريت ترجع وسلفتي يللي هون لما بروحوا لعندها كتير بتهملهن وبتعمل لحماتي مكايدات وبتم حماتي هنيك مالي ومكيودي منها مشان هيك بتروح لعندها كل شهر اسبوع وبكون عندن مواعيد مع الدكاترة بس انا مافيني صير متل سلفتي تربايتي وديني مابيسمحولي واكتر شي كرمال زوجي عم اصبر كرمالو
حكيتلكن قصة حياتي بس عم اشكيلكن همي متل مابقولو فشة خلق هههه بقى مشان هيك ماعم فوت عالتجمع
واخيرا وليس آخرا اخبار حملي انشاالله باقيلي اسبوع وبدخل بالرابع الله يتمملي عخير ولكل حامل ومن اسبوعين رحت عالدكتورة والحمدلله شفت البيبي راسو واديه ورجليه الله يجعلو من اصحاب الخلقة التامة
آميين وعندي موعد بعد اسبوعين
هاي كل اخباري وانتو شو اخباركن ؟