صباح الخيرات للكروشات ..
كيفكم ؟؟
إن شاء الله تمام ..
نفسي أدخل والاقيكم بس أنا أنام بدري ,,< دجاجة..>
بس مدام انو صحي عادي أصير دجاجة !
حبيت أسألكم عن حساب أسابيع الحمل , أش هوا الحساب الصحيح أو الأدق ( حساب الدوره والا حساب الاسابيع اللي تظهر في السونار ) بليز قوليلي لاني مو عارفة موعد ولادتي بالضبط ؟
وع فكرة اتصلت ع مستشفى فقيه عشان أحجز عندهم وقلتلهم أبغى دكتورة سحر قالولي هيا كاش وممكن تحجزي عندها بس مو كلو ع التأمين يعني أدفعلها كاش كمان وسألتهم قد أيش يعني أدفع قالو مانعرف !! وقالت الدكتورات اللي ع التأمين ( شيرين - سهير السباعي- مروه بغدادي -ريهام -تغريد) وانا ما أعرف مين الكويسة فيهم ؟؟ فما حجزت قلت أستشيركم أول ..
فياليت اللي تعرف تساعدني ,وانا قد قرأت في منتدى انو سهير السباعي مو كويسة ويسبوا فيها ,
وأنا مره خايفة لاني بكرية وماابغى أحس باآلآم الولادة .. وابغى دكتورة حنونة وتعاملها كويس وخياطتها حلوة ..
&الله يعطيكم العافية ردوا علي &