بعد زواجي بست شهور حملت وكنت فرحانه لانه اول حمل لي طبعا لكن ربي ماراد انه يكمل فانزل علي دم مع الم
ورحت المستشفى قالو ان الرحم مفتوح 1 سم وفيه ولاده حاولو ان يخفون الطلق بالابر والدويه وتنومت بالمستشفى اربع ايام
لكن كان الرحم ينفتح اكثر واكثر لحد ماكتب الله وودلت وانا بالسادس في 24 اسبوع وجبت بنت وعاشت 10 ايام ولكن اتوفت
الله يشفع لي فيها يارب ..بعد ست اشهر حملت بحملي الثاني وصلت الى الشهر الخامس ونزل علي مويه وانا بفراشي نايمه
ورحت المستشفى قالو ان موية الطفل نازله ولازم ولاده وولدت وجبت ولد وعلى طول طبعا توفى
وجلست سنه تقريبا ماحملت وحملت مره ثالثه وقالو هالمره لازم ربط لان الرحم عندك ضعيف مايتحمل ثقل البيبي
وكنت خايفه من العمليه وسويتها على نهاية الشهر الثالث ولازمت الراحه لان كنت خايفه جدا والحمدلله جبته في التاسع
والحين هو بالصف الثاني الله يحفظه
وبعد سنه ونص تقريبا حملت وسويت كمان ربط لكن بربطي هذا زاولت حياتي عادي لكن مع الحذر طبعا والراحه
وفي اول التاسع افتحو الربط وجلست اسبوع من بعد الربط وولدت وجبت بنت الحين هي بالتمهيدي الله يصلحها ان شاء الله
والان انا حامل ومسويه الربط الله يتمم ان شاء الله
واذا تبين شي ثاني اسالي حبيبتي"