السلام عليكم ورحمة الله وبركاته,,
أسعد الله صباحكم / مسائكم حبيباتي
مابطول عليكم يالغاليات
أنا الحمدلله حامل بنهاية السادس وييااااربي لك الحمد
أموري ماشية تمام,,,,
بس في شغلة زغنونة........
إنو هذذي إللي ببطني
يعني بنتي المحترمة مايعجبها العجب
وبس تشرف الله يحفظها شكلوا ما حيعجبها صيام رجب>>>>والله
تخيلوا بالله معد صرت أنام زين والإرهااااق مره مبين عليا
أنام على ظهري ماينفع ترفسني رفس
على جنوبي برضوا ترفس رفس مو صاحي,,
والله أقوم من نومي خايفه عليها أكون أذيتها....
بس الحمدلله حركتها لما أكون صاحيه طبيعية
والدكتورة طمنتني عنها.....
لكن بعرف ليش تسوي كذا؟؟؟؟
والله أكون مهلوكة من الشغل بس أسند ظهري لورى شوي
إلا هيا ترفس ......محسستني إني مسوية شي,,,
......................
أنا دحين شايلة هم باقيلي 3 شهور الله يتممها ويمضيها على خير
وهذا وضعي معاها طيب بعدين...؟؟؟؟
بعد شهر بتتعبني أكثر؟؟؟....حتى صغيرونه يادلبي عليها
لو كبيرة أو وزنها زايد كان قلت بتتضايق.....
بالله حكولي بنات إنتوا بيصير معاكم كذا من منتصف الحمل؟؟؟؟؟؟
...................
والله خجلانه منكم
هذا ثالث حمل وبسألكم هالسؤال...
بس هالشي ماصار معايا من قبل..وأبغى أعرف كيف كنتوا تتصرفوا,,,,
وجزاكم الله كل خير جميعآ.............