وعليكم السلااام اهليييين ياعسل
بالنسبه لشعرك يرجع يطول ودامك في بيت اهلك استخدمي زيت الخروع مع زيت الزيتون يطول الشعر وفاتيكا لون غطايته بنفسجي
صراحه ميه ميه يقلل التساقط و زيت الخروع معروف يطول الشعر
وقوليلو يررجع يطول ياحبيبي بس ماما مدلعتني ولما اقووولها بقص شعري زي ساحبااتي ماتقلي لاا .. هههه انا كدا كنت مع جووزي
المهم بالنسبه للدلع مو انتي دلوعه خلاااص ؟ ابدا ابدا لاتتصنعي تسيري بااايخه ترى لكن خليكي بنوته انثويه ..
يعني حطي شباصه على شكل شريطه بينكي وروج بينكي وابتسمي على جنب اذا كلمك او جاتك الضحكه اضحكي بهدوء
مو تضربي يدو كفك وهااا كاككاكاكا يتفجع منك الرجال هههههه
طبعا اوقات نحتاج للتغيير بالنسبه لي اوقات اسوي حركات بايخه وحقت اولاد يوااااد ايش الحركاات دي واوقات قممممة النعومه لدرجة احسسه اني راح انكسر لو طحت ... كله بالعفويه لاتتغنجي وتدلعي بزياده اصلا انوثتك رح تكون نابعه من جواتك
واسم موضوعك قلت شكله في مشكله عويصه .. لانه اهم اهم اااااهههههممممممممممم شي فترة الخطوبه لو كانت فيها مشاكل ومافيها راحه ابدا ابدا الحياه الزوجيه مارح تكون حلوه لان بعد الزواج كل شي يتغير وراح تكونو قدام بعض ٢٤ ساعه مو زي ايام الخطوبه كل فتره وفتره
بالنسبه للنحف ياختي لاتستعجلي وزنك حلو مانتي نحييييييفه مره بالزبط زيي لما كنت مخطوبه بكره تحملي ان شآءالله وتلاقي نفسك طلعتي ١٠ كيلو ديك الساعه هوا يقلك ويفكرك بنحفك ايام الخطوبه قوليلو بكره احمل واسير دبه لاتستعجل على رزقك راح يخااف خخخخ
استمتعي بجسمك والبسي اللي تحبيه لانه بيكون عليكي حلو بس بحدووود حتا لو قدام خطيبك مثلا البسي قصير وتحته هيلاهوب ثقيل ،،
وحركات الدلع والرومانسيه فكري وخططي لكن لاتطبقي دحين خليها بعد ماتتزوجي .. خليه هوا اللي يدلعك دحين ويدور عليكي وان قلك نحيفه اتخني سوي انك زعلانه ومدي البوز وقولي موووو انتاااا اللي وافقت علياا كداااااااا :( بكره اسير دبه ووزني ٩٠ ولايهمك واقلبي الموضوع مززح
ياكتر بربرتي .. والله من الطفش والجلسه بالبيت يلا ياقمر حبيت افيدك بواقع تجربتي ^^ مع زوزي الجميل
ربنا يسعدك ويوفقك واستخيري الله دايما ولاتلعبي بجسمك وتدوري شي يتخنك ترا مانتي نحيفه مره جسمك حلو منتي عظااااام الا لو كنتي طويله ١٧٠ مثلا ،، ^^
مع السلامه