السلام عليكم
خواتي سجلت عندكم علشان اخذ من خبرتكم وتشورو عليه
الله يسعد قلوبكم يارب وينولكم مرادكم يارب العالمين
انا متزوجة من سنه و3 اشهر وسويت كل التحاليل انا وزوجي وكلها تمام ولله الحمد بس
الدورة متلخبطة وتنتظم مع الحبوب
سويت مرتين تنشيط بالكلوميد وابرة تفجيرية
اول مرة صار حمل بعد زواجي ب11 شهر نسبته 7 قالت لي الدكتورة عليه
قبل موعد الدورة ب5 ايام ونزل مع الدورة والحمد لله
وبعدها ماحملت
اللحين الشهر هذا الدورة متأخرة 16 يوم اخر دورة جتني يوم
28 رمضان
وماعندي اي اعرض لأي شي بس حاشني زكام بعيد عنكم ومني قادرة اشرب اي
مضاد خايفة لأكون حامل واضر الجنين
حتى صدري مافيه الم وسويت تحليل من اسبوع (منزلي) طلع سالب
بكرة بروح لدكتورة خلاص مافيني اتحمل
بس تتوقعون ممكن اكون حامل وصدري مايوجعني ؟؟