[ام جسومي]

اخواتي العزيزات اريد مشورتكم ارجوكم انا في وضع لا احسد عليه ، انا بكره سفري بسافر تايلاند مع زوجي واولادي ومخططين لهذا السفر من اكثر من اربع اشهر والمفاجأ اني امس رحت اسوي انتراساوند عشان اعرف جنس الجنين لاني حامل في الاسبوع الثالث من الشهر الرابع وانا حامل بتوأم تفاجأت ان الدكتورة تقولي ان المشيمة عندي نازلة من الدرجة الثالثة وخوفتني وحذرتني من السفر وقالتلي لو ما تبين حملك سافري وطبعا هذا كان قبل يومين من موعد سفري ايش اسوي الحين بس قالت لي خذي رأي دكتور ثاني وفعلا رحت عند دكتور شاطر ومعروف قالي عكس كلامها شرحلي بالتفصيل ايش يعني المشيمة نازلة وقالي ممكن تسافري بس تكوني مرتاحة ولا تتعبي نفسك
وطبعا انا فرحت وايد انا وزوجي ، واسفه على الإطالة بس المشكلة اني من ذاك اليوم وانا عندي آلام في البطن واسفل الظهر وهذا الشي مخوفني وايد وما اعرف ايش اسوي خايفة من السفر وصعب انا نلغي كل شي قبل يوم واحد من سفرنا ، ارجوكم اخواتي عطوني مشورتكم انا محتاجه لها وايد .