اختي كبسة الدجاج العادية
عادي ممكن من الليل تقطعيها وتنظفيها وتحطيها في قدر الضغط وتحطي فوقها الملح والبهارات والهيل والزيت وتدخليها الثلاجة
ولمن تجي من الجامعه تحطيها فوقها مويا مغليه وتحطيها على النار وعلى بال ما تستوي نقعي الرز ربع ساعه ومستوية وبعدين حطي الرز وسوي سلطة وما ياخذ منكم ساعه الا انتو متغدين وخلاص بتنامون
وكمانت اختي ايدام الباميا ربع ساعه على بال ما اسويه
تقطعي بصل وتحمسيه ع النار وبعدين فص ثوم وتحمسي وبعدين تحطي معجون طمامم وتحمسي وبعدين فلفل وبهارات وملح ومرقة ماجي وتحطي بطاطس مقطع مربعات وتحطي عليه مويا وتخلينو 10 دقائق وبعدين تضيفي الباميا بسسرعه تستوي 5 دقائق وبعدين تحطي كزبرة مفرومة وتطفي عنوو وشووفي الطعم كمان
وربي هوا الايدام المفضل عندي وعند زوجي بدون لا دجاج ولا لحم وسهل وسريع بس طبعا لازم طبق رئيسي معاهـ وبـــس
وكمانت المصقعه اسويها بسسرعه بطريقتي
اقطع بطاطس على شكل نص دائرة واقلي وبعدو احط الباذنجان على شكل نص دائرة واقلي
وقيدي مسسويا وحاطه على النار شرائح بصل ومحمستها على النار وبعدين احط معجون طماطم وملح وفلفل اسود وبهارات وبعدين انشف البطاطس والباذنجان تمامم واحطو فوق البصل واقلبوو كثير وقبل لا اطفي احط كزبرة مفرومة واقلبها اهم شي عندي انا الكزبره المفرومة قبل لا اطفي على الاكل وربي سر الطعم وسر النكهه وكليه بلخبز وربي لذيذ مره وكمانت لازم يكون معاه طبق رئيسي ما ينفع لحالو