طريقة المكرونة البشاميل.
اسلقى المكرونة وخليها على جنب
جيبى حلة وحطى فيها معقلتين دقيق ومعلقة سمنة وقلبى لحد اما الدقيق يصفر ويعدين حطى اللبن بالتدريج مع التقليب عشان الدقيق مايعملش حتت
وافضلى قلبى لغاية اما تبقى سميكة او على حسب ماتحبيها انا بحبها خفيفة عشان بتبقى سلسة فى الاكل وطعمها بيبقى اخف من التقيلة وحطى ملح وفلفل وفص توم مفروم وشوية بقدونس
وطريقة اللحمة جيبى بصلة وافرميها وحطيها فى حلة لحد اما تحمر وحطى عليها اللحمة المفرومة وقلبى لحد اما تستوى
وبعدين جيبى صينينة بيركس او على حسب ماتحبى وحطى شوية بشاميل على المكرونة المسلوقة قبل ماتحطيها فى الصينية وقلبيها
وجيبى شوية مكرونة وحطيها فى الصينية يبقى طبقة مكرونة وطبقة لحمة وطبقة مكرونة وبعد كده البشاميل وحطى عليها حسب الرغبة بقى جنبة رومى او جنبة موتزريلا على حسب حاجتك انتى ودخليها الفرن وبالهنا والشفا
يارب طريقتى تكون سهلة عليكى وتعجبك ....~