السلام عليكم ورحمة الله وبركاته
حبيت اشارككم تجربتي لعلاج التهابات الحفاض التي عانت منها ابنتي والحمد لله عرفت احسن طريقة للقضاء عليها تماما
وانا حطيت الموضوع ده لان لاقيت امهات كتير بيعانوا من ده مع اطفالهم ومش لاقين حل وده كان حالي لان اصعب شيء فيها انها بتتكرر دائما
المهم بدون اطالة انا جربت معظم كريمات الالتهابات وماكنش في نتيجة لحد ما رحت لدكتور امراض جلدية وقالي ان الالتهابات دايما بتبدأ مع بنتك لما يكون عندها اسهال ودي حقيقة وده بسبب الميكروبات اللي بتكون فالاخراج بتاعها فلازم نعلاج السبب فالبداية
والطريقة انك بعد غسل المكان جيدا وتنشيفه تدهني كريم مضاد للفطريات مثل (ديرماتين او كانستن ) او اي نوع اخر
ثم تحمي الجلد باستخدام كريم التهابات الحفاض اللي بيكون مكوناته عادة( اكسيد الزنك - زيت الخروع - زيت الزيتون )
يعني السر انك تعالجي الالتهاب بمضاد الفطريات وتحميه من التهابات جديدة لما تضعي فوق كريم الفطريات كريم الالتهابات
والنتيجة مش هتلاقي اي اثر للاتهابات فخلال 3 ايام ان شاء الله
اللي تجرب والنتيجة ترضيها لاتنساني من الدعاء