شوفي حبيبتي أنا ماني مفسرة أحلام بس حلمت بحلم مشابه لك..
أنا من الأساس دبلتي كانت ضايعه علي وكنت كل أدورها
عاد حلمت وأنا في الشهر الثالث على ما اعتقد ..
إني لقيت دبلتي بس ماكانت نفس شكلها في الحقيقه
دبلتي في الحقيقه كلها فضي بس في الحلم كان فيها فضي وذهبي
وماكانت دبله وحده لا كانت دبلتين نفس الشكل
أول مالقيتها انبسطت ولبست وحده والثانية حطيتها على التسريحه
عاد بحثت في النت وقالوا كانك حامل بتجيبين ولد
بس أنا بطبعي ما أثق في كلام المنتديات ومفسرين النت
بطلبت من زوجي يكلم مفسر أحلام صديقه وقاله الحلم
قاله 60% زوجتك بتجيب بنت
بس لما كشفت بالسونار طلع ولد :)
ملخص كلامي كله لاتعتمدين على المفسرين لأن أكثر من 70% كلامهم غلط حتى وإن كانوا ثقه لأنهم بالنهاية بشر والخطأ وارد
ولا تتعبين نفسك بتفسير أحلام لأن كل شيء خير من رب العالمين بنت ولا ولد
ولا تعشمين نفسك إذا شفتي أن تفسيرة ولد
والله يكتب لك إللي فيه الخير يارب ..
ودعواتك لي حبيبتي :)