[عمر وزين]

مرحبا للجميع
يا جماعة انا حامل بالشهر الثالث واليوم بعد اذان الفجر حلمت حلم غريب بتمنى لو حد بيعرف يفسر الاحلام يفسرلي هالحلم:
حلمت انو انا ولدت وجبت توأم ولد وبنت وكانو حلوييين كتيييييير كتيير كتير فائقي الجمال وكنت مبسوطة فيهم كتير بس مستغربة كيف ولدت وانا لسا في الشهر الثالث، وحملتهم وضميتهم ورضعتهم وكانو حجمهم كأنهم عمرهم 4 او 5 شهور ولا كأنهم مولودين جديد، ولما جيت ارضعهم سالتهم مين بدو يرضع بالاول قام الولد نطق وقال انا بالاول قلتلو لا انت صحتك احسن من صحة البنت عشان هيك رح ارضع البنت بالاول وبعدين انت وبالفعل رضعت البنت بالاول ورضعت منيح وبعدين الولد بس هو ما رضع منيح كان يلعب ويضحك ومبسوط، والولد بالحلم كان اسمه محمد والبنت زين، مع انو انا كنت ناوية ازا اجاني ولد اسميه عمر والبنت زين،كانو حلوين كتير بس البنت كانت احلى من الولد بشوي.
واحكيت لامي بالحلم انو انا نسيت اشتريلهم ملابس وانا حامل قالتلي امي عادي مش ضروري تشتري وانتي حامل المهم هلأ الفترة هاي بتشتريلهم اللي بدك اياه.
وشفت ابوي بالحلم كمان كان يلعبهم ويضحكلهم.