السلام عليكم
في البدايه الله يتمم لكل حامل حملها والله يرزق كل متأخرة بالحمل
اللهم آمين
بأختصار انا الحمدلله حمدآ كثيرآ
انا حامل بعد انتظار 4 سنوات ونصف يارب تتم حملي ع خير بس عندي ( خوف داخلي) يعني احاول اصرف النظر عنه لكن غصب عني لان لي سابقة اجهاض ( يارب ماتتكرر لانها دمرتني نفسيآ) وكان هالشي قبل 9 شهور وكان حمل بكيس فارغ والحمل من البدايه كان ضعيف
يارب لاتذوق احد إلي ذقته
انا الحين حامل بالاسبوع الرابع حللت قبل الدورة ب4 ايام لان كان عندي شك*
قبل الدورة ب6 ايام تقريبآ
*( نزل مني افراز بني خفيف جدآ نقطتين وخلاص بعد الجماع وشفته لما قمت اغتسل اليوم الثاني)
وبعدين ماشفت شي وبعد يومين من هالموضوع ولان كان عندنا عزيمة وشيل وحط ومجهود وانتو اخبر لاحظت اليوم الثاني برضو نفس الحكايه لما قمت من النوم افراز بني خفيف وبعدين انقطع فرحت حللت بنفس اليوم والحمدلله حمدآ كثيرآ طيبآ طلعت حامل والحمدلله هالمره ماقالو بالتحليل حمل ضعيف*
رحت للدكتورة وشرحت لها كل إلي صار واعطتني ( حمض الفوليك وجوسبرين ودوفاستون 3 مرات باليوم) وقالت اراجعها بعد 10 ايام
إلي احس فيه الحين وجع بخاصرتي اليمين من قبل الدورة تتأخر ووجع براس المعدة عسى ماآكل شي إلا واتضايق وانتفاخ ذبحني وغازات الله يكرمكم ( وصدري انتفخ وصار لين بس من دون وجع يعني لسه عادي)*
الحمدلله راضيه بكل شي الله يقدره وفرحانه ومبسوطه
بس في خوف وقلق داخلي مادري هالشي طبيعي لكل وحدة سبق واجهضت او. *لا*
لدرجه ماخبرت احد حتى اهلي او اهل زوجي والله مو خوف حسد بس اتذكر الاجهاض الاول وكيف لما خبرتهم بالحمل الكل فرح واستانس وتعالمو الخبر بالديرة ولما عرفت بوضع الحمل الاجنيني واجهضت والله ماتدرون قد ايش تكدرت وتضايقت وزادني ضيق اسئلة الناس واستفساراتهم وفي ناس زادت همي هم وكلمتني بدل ماتواسيني ظلت تبكي قسم بالله بغيت انجن*
هالمرة قلت ماراح اخبر احد حتى يثبت الحمل بمشيئة الله ؟*حتى ماينكسر خاطر الناس العزيزة ع قلبي زي امي وعمتي ام زوجي. الله لايقدر ان شاء الله فرحي يكمل هالمرة
هل تصرفي صح!!!
وهل قلقي طبيعي وإلا هي نفسيه مع الحمل وإلا ايش السالفه*
امانه عليكم إلي تدخل تدعيلي من قلبها ان الله يثبت حملي واسمع نبض الجنين واتطمن عليه عشان فرحتي تكتمل*
فديتكم لاتنسوني من دعواتكم وريحوني بتجاربكم المماثله*
خاطري اصير ام واشوف زوجي مبسوط بعد طول انتظار يارب يارب يارب انت اعلم بالحال تمم حملي وثبته ياأرحم الراحمين*