انا زيك بكريه بس مااسأل الناس تعطيك معلومات وماتقولك الا اللي صار عليها والولاده تختلف من حرمه لثانيه
القرفه سمعت كثييير يحذرون منها لانها تجيب الطلق والرحم مقفل
وخالتي قبل شهر والده تقول انها خسلت بموية حلتيت فتحت لها الرحم مو تشربينها لا بس تغسلين بمويتها او تشمين ريحتها
وجدتي تقولي من يدخل التاسع عليك بالرطب مو بيوم الولاده تاكلينه ماينفعك
وسالفة اني اكل بيض واشرب حليب مااعرف بس اعرف انو تكثرين سوائل بالشهر الاخير وسمعت انك تفرغين معدتك قبل الولاده مو تعبينها
لان دكتورت بنت خالي قالت لها ارجعي وكولي تمر واشربي مويه عشان تتسهل ولادتك والمسكينه رجعت واكلت تمر وراحت لهم بس الجنين داخل بالضلوع ماكان نازل فضغطة عليها الممرضه بكوعها بين القفص الصدري والبطن يعني تقريبا تحت الصدر وصارت الله يكرمك تستفرغ التمر اللي اكلته من الضغط كانت بتموت
بعد الولاده يقولون تصيرين جوعانه مرره فخذي معك عصير وفطاير او شاندوتش شي خفيف او زوجك يجيبلك بعد ماتصحين بالسلامه