حبيت افضفضلكم بلى صار معي اليوم... ولله انى مكتئبة جدا وواصلة لمرحلة من الياس كبيرة للغاية والحمدلله على كل حال...
اليوم كان موعدى مع طبيبي ع اساس اليوم حيكون الجلسة التمهيدية للبدء بتحضير اطفال الانابيب وصارلي شهر بستنى بهاليوم ... يوم بيوم بحلم فيه وبقرا ووبسال الناس وشوب يصير فيه...
المشكلة بزوجي نسبته كتير قليلة 2 مليون.. وانا الحمدلله ماعندى اى مشاكل التبويض عندي ممتاز وبويضاتى سليمة بل بالعكس اكتر من طبيب يقولى لو نسبة زوجك عالية كان جبتى توائم وقبل اسبوعين عملت اشعة الصبغة الملونة "ابرة الزيت" وكانت تجربة مؤلمة وقاسية "ببقى اكتب شو صار معي بعدين عشان الكل يستفيد" والحمدلله سليمة طلعت ...
تعبت كتير كتير السنتين الى فاتو واعصابي تلفانة و مشدودة دايما ... و بالاخر بعد ما اجى دور عملية الزراعية واتهيات لكل شي اليوم ولما جاي فحصلي الدكتور البويضات لدي وجد لدي كيس على المبيض حجمة 2 ونص، وحكالى مابينفع نبدا بالموضوع وتعالي بعد شهر ونص...يمكن شهر ونص لاى شخص تعتبر فترة قليلة لكنها بالنسبة لى دمار ...
صبرت كتير بحياتى وكانت مفاجاه قصة الكيس على المبيض.... ياترى شو سبب المبيض؟؟ ومن ماذا يخرج؟؟
وكتبلي انى اخذ حبوب منع الحمل بعد ما تيجينى الدورة ب 5 ايام..انا على اخر عمرى مشتهية الخلفة واخد حبوب منع الحمل؟؟؟ مش متخيلة نفسي باخد حبوب منع الحمل وانا حموت واخلف بيبي...هاى المرة العاشرة كل ما توصل اللقمة للزور تتاجل المواضيع لدي... ليش هيك بصير؟ ليييييييييييييييه!!!
كل العالم تنجب وربنا يهنيهم ويسعدهم "ولله العظيم مش حسد ولا تمرد" واحنا دايقين المر عشان نخلف بس بيبي واحد؟ لا اعتراض على حكم الله بس انا مش قادرة خلاص...
حماتى بتستنى انى اعمل اطفال انابيب هذا الشهر... مش عارفه شو بدى احكيلها ؟؟ انا مش حقدر احكيلها انو عندي كيس لانها خلاص حتفكر انو المشكلة منى ومش حتفهم انها مشكلة بسيطة وممكن انى انجب طبيعي حتى لو كان عندي كيس... بل حتفكر انو المشكلة كبيرة.. وتعاملها معايا سيئ وحتزداد سوء... وستشمت بي... يالله..!! شو احكيلها؟ ماهي الحجة التى احكيلها لها انى حتاخر بالزراعه شهر ونص؟ ويمكن كمان اكتر؟؟؟ فكروا معايا ارجوكم
انا اساسا شاكة بالدكتور انو اجل موضوعي عشان عنده ازدحام وخاصة هيك موضوع بده متابعه يومية
مش قادرة افكر باى شي خلاص وطول نهارى بستغفر اللهم اجرنى بمصيبتى واخلفنى خير منهاالحمدلله الحمدلله.........