خلاص تعبت من الكتابة
طلعوني غرفة الولادة وانا اسأل عن الدكتورة يقولو كلمناها وهم كذابين
كشفو طلع فاتح 6 وبعدها بساعة 7 وبهدها بساعة مرت المناوبة من جنبي اناديها مطنشتني وفي ممرضة جالسة تكتب قريب مني
قلتلها فين دكتورة تشكر قالت تجي 8 طالعت على الساعة 7.30
قلتلها البيبي حيخرج طنشتني
ماقدرت اقاوم الدفع وحزقت خرجت الموية
بعدين جات طلقة اقوى حزقت حسيت شي انحشر فيا خفت البيبي يختنق
ناديت الممرضة اول ماشافت زعقت هير هير خدي نفس دحين تجي الدكتورة
يعني عادي عندهم البيبي يختنق اهم شي تجي الدكتورة
جات طلقة برضو حزقت وخرج عامر على يد المناوبة وهيا معصبة حطو على صدري واحسو انشرق من الموية لاشعوريا قلبتو وبكي ساعتها
طبعا شقني براسو الله يهديه وبعدها حطولي بنج صحيت وهو جنبي الحمد لله
ودحين معاناه مع الخياطة لأنها مو مرتبة زي كل مرة