[لولو 1]

المشاركة الأصلية كتبت بواسطة لولو الفلسطينية

الله يعزضك حبيبتي ما تزعلي حالك , كلو بيتصلح انشاء الله
انا مثلك بالضبط بس الفرق اني حملت من اول شهر زواج و الناس صارو يحكو ليش مستعجلة عيشي حياتك لسا بدري و من هالحكي و بعد حوالي ثلاث شهور نزل الجنين و عملت تنطيف , بلشو هاااااا هاي البنت مش طبيعية , و على فكرة انا حماتي و عمي و زوجي ما بحكولي شي بهالموضوع , و حتى لما حد يسألني عن الحمل كان عمي يعصب على الي بيسألني عشان ما اتذايق انا و بعد شهر حملت مرة تانية و ما حكيت لحدا غير اهلي و بيت حماي عن الحمل و لما وصل شهرين بدأ ينزل مني دم و على المستشفى عطووووول و عملية تنطيف و بالصدفة شافنا واحد من جيراننا و تاني يوم الا كل البلد عارفة اني كنت حامل مرة تانية و نزلت و الله و الله وصلت انو واحد يحكي لحماتي شكلها عروسة ابنك مضروبة و ما بتنفع شوفي بنت فلان هيها ولدت و هي لو استمر حملها كان هلأ قربت تولد
و بعدها الدكتور طلب ما يصير حمل على طول و الله وكيلك كل ما اشوف حدا بيسأنني عن الحمل ؟.؟؟
و اخر شي بطلت تفرق معي و صرت اطنش و هاد افضل حل الي و الك
و الله الناس ما بتركو حدا بحالو و على كل الحالات وح يحكو و ما بنخلص منهم عشان هيك اسمعي من هون و انسي من هون و عيشي حياتك وكل شي بوقته حلو و داءما رب العالمين بختارلنا الافضل
و على فكرة انا سبب اجهاضي نفس سبب اجهاضك الي هو التخثر
و الله يعوضنا يا رب
ما تزعلي حالك المهم انتي و زوجك و الباقي انسيهم

شكرا حبيبتي على مرورك والحمدلله ان اهل زوجك واقفين معك هاد اهم شي والله وربنا يرزقنا قريبا بالحمل الثابت ونشوف البيبي بين ايدينا