اقتباس:
المشاركة الأصلية كتبت بواسطة الوفاء أنا
السلام عليكم كيفك أختي انسكاب
وجزاكي الله خير عن هذا الموضوع
ممكن أختي تفسري لي حلمي
الحلم يمكن من سنتين ونص تقريبا كانت عندي شغالة اندونيسية حلمت تقريبا في الساعة 8 أو 9 الصبح حلمت الشغالة عيونها صايرة حمرة تخوف وشكلها تعبان قلتلها مالك انتي تعبانة قالت انها تعبانة وايد وتكرر الحلم مرة ثانية في اليوم الي عقبه في نفس الوقت بس انا نايمة في غرفتي دقت علي الباب يوم فتحتلها الباب قامت تقترب مني وتقول انها تعبانة مسكتها عن اطيح ولما انا ماسكتها بس على الارض ما اشوفها بس احسها بين ايدي ماسكتها وحسيت ان شعر راسها محلق وفي الحلمين اقوم مفزوعة وخايفة وما اقوم إلا على صوط تنظيفها ..
يوم حلمت كانت الشغالة عندي لها شهور والحين هي مسافر تقريبا سنة وشي . الشغالة من النوع النشيط اتحب تشتغل طبيعتها . حالتي الدينية متوسطة أو اكثر اشوي . انا عندي يهال بس متأخرة سبع سنين ..
هل تغير شي عليك من وجودها او بعد ذهابها
وكيف دينك
والشغاله كيف علاقتك واهل البيت وكيف صلاتها
ما أعتقد انه تغير علي شي ملحوظ
ديني مثل ما قلتلك متوسطة أو أكثر محافظة على الصلوات وكل الي في البيت يصلون ولله الحمد
الشغالة اتصلي دوم لما اتصلي و اتخلي باب غرفتها مفتوح حتى صلاة الضحى اتصليها بس قضاء رمضان ما صامته اتقول علشان الشغل ولما سافرت صديقتها اتقول على طول رجعت تشتغل
الشغالة علاقتي بيه انا اعاملها زين بس هي ساعات اشوفها في قمت الزعل ما أدري ليش أستغرب
بالنسبة للحلم الثاني نسيت آخر شي لما كنت ماسكتها واختفا وجها كانت تبي اتقرب من صدري حسيت انها تبي اتعضني فكنت ابعدها عني بكل قوتي وصحيت مفزوعة
بس سوت لي مشاكل مع صديقتي لأنها تدخل مع مشاكلها ويا شغالتها . شغالة صديقتي يمكن اتسوي سحر لأن صديقتي اتأذت منها وايد.
وبالنسبة لتأخر الحمل كنت مسوي مانع مدة ثلاث سنوات تقريباً بعدين جربت أحمل ما صار حمل قبل لا أييب الشغالة بشهرين أو ثلاث علشان كده ما شكيت فيها بتأخر الحمل
سامحيني طولت عليك ومنك السموحة وربنا ينولك الي الي تتمنيه ان شاء الله