ياعزيزتي لاترجعين له ابد
لإن مهما كان اللي سويتيه ماتوصل يمد يده عليك
واللي يمد يده مرة وترضخ وتسكت الزوجة يمدها عمره كله
لاياحبيبتي إنتي إنسان ولك حقوق ومشاعر ومو من حقه يمد يده
انتي ماتزوجتي عشان تنضربي وأحمدي الله إنه مارزقك بأطفال وخرجتي من هالزواج بدون طفل يقف عائق
استغربت منك صراحة يضربك وتبين ترجعين له ماعرفنا لكم يالحريم
كرامتك ياأختي فوق كل إعتبار وضرب الزوج لزوجته هذي إهانة لها
والأخت اللي قبلي تقول اللي سويتيه تفاديه عشان مايضربك !!!!! ليه حكمتي إنها سوت شيء خلته يضربها ؟؟!!!
وبعدين ليه مطلوب من الزوجة دائماً هي اللي تضحي وتسكت وش هالمنطق
مهما كانت الأسباب في شيء إسمه حوار وتفاهم مو ضرب واهانات
وصدقيني الرجل اللي يضرب زوجته هو نفسه مايحترمها لإنها مهانة
والله يوفقك