[ام هريرة]

انا كنت متاخرة بالحمل لمدة عامين و 7 شهور والحمدلله ربنا رزقنى بالحمل
عاوزة اقولك انى الفترة السابقة كلها كل شهر كنت اشعر باحاسيس انى حامل .. ومرة تخيلت انى حامل غزلانى لانى حسيت نفس اللى تحكى عليه بس مع دم خفيف وعرفت ان الحمل الغزلانى يبان اكتر فى تحليل الدم الرقمى فعملت تحليل رقمى وقالت لى دكتورة التحاليل انى مش حامل وهذا دم دورة عادية

اولا النبضات اللى بتحسى بيها فى بطنك هذه مش نبضات الجنين لان نبض الجنين ما ينزل فى اول الحمل بينزل بعد فترة وما تشعرى بيها فى بطنك
ثانى شىء الالم اللى عندك فى الجنب اليمين والشمال والدورة نزلت لك بدون الم ممكن يكون تغير هرمونات لان بعد الزواج الوضع يتغير شوية وخصوصا لو انت واخدة منشط للتبويض .. انا مرة حصل معايا نفس الشىء بالاضافة الى ترجيع ووحم وكان نفسى تروح لاكل معين وجوزى تخيل انى حامل :( وللاسف طلع مش حمل
والله نصيحة لك افضل شىء روحى اعملى تحليل حمل رقمى عشان تتاكدى اكتر ..
وكمان ما تعلقى امل كبير على الحمل الغزلانى لانه نادر الحدوث وخصوصا اذا محصلش فى العيلة عندك قبل كده لوالدتك او اختك مثلا .. وكمان واحدة صاحبتى حملت مرة غزلانى بس جاتلها الدورة شهرين فقط وكانت تيجى يوم واحد فقط ودم خفيف وتقطع تانى يوم وباقى شهور الحمل ما جت لها تانى
ويارب تحملى قريبا باذن الله