[نبض قلب]

كيفكم يا بنات

بالنسبة للولب يا احساس انا امي استخدمته يعد كل حمل
و ما صارلها شي وبنت خالي لمن راحت تشيلو قالت لها الدكتورة
بتحملي بعد 5 او 6 شهور ولكنها حملت بعدو من اول شهر

ابويا بشتغل ب سويدي الصفطاوي (مدير) و نصحني احط لولب
اللولب ما بيأثر عالدم متل الحبوب
و الدكتورة قالتلي ما بعطيكي ابرة منع حمل لانها مضرة بتعمل عقم بالمستقبل
ومشان عمري صغير
و الحبوب زوجي رافض لانو وحدة بنعرفها كانت تاخد حبوب
و ماكانت منتظمة بالوقت
فحملت و نزلت بالشهر التاني وكان الجنين مشوه

رغم الوضع المادي الممتاز ما بنصح الخلفة عطول
حلو الدار يكون فيها حد كبير وحد صغير
انا عني ما بدي اخلف ل 5 سنين
الولادة صعبة ولا نسيتي

بالنسبة للعزل الطبيعي مش مضمون
صحيح في ناس بستمرو عليه و ما بحملو
والرضاعو مش مضمونة
هيني حملت انا وبنتي عمرها 5 شهور وانا كنت برضع
الام لازم تتريح بين الولادات مشان جسمها يستعيد اللي اخدو البيبي
فترة الحمل
وبعدين تنين ورا بعض بيجننو الواحد
اقل فترة الوحدة تحمل لما يصير ابنها سنة ونص او سنتين
القرآن قال (حمله وفصاله ثلاثون شهرا)