حبيبتي التلقيح المجهري طريقة اسهل من عملية اطفال الانابيب
اول شي الطبيب بطلب فحوصات دم للزوجة وفحص للزوج عن الحيوانات المنوية عددها وقوتها واذا في لزوجة ونسبة الحي والميت منها واذا في التهابات ولا لا
وبعدين على اساس الفحص بقرر كم يعطي اختك منشطات بتاخد منشطات من تاني يوم الدورة
وبعدين بطلب منها ترجع لعندو ايام التبويض وعادة يوم 12 من الدورة حتى يشوف حجم البويضة وكم بويضة عندها
وبعدين بيوم يلي بتكون البويضة جاهزة للاخصاب بطلب من الزوج كمية من الحيوانات المنوية وبياخدها على المختبر وبنظفوها وبيعطوها مقوي للحيوانات وبعدين بحقن الطبيب الحيوانات المنوية برحم المراة
وتنتظر نصف ساعة عند الطبيب وهي متمددة وبعدين بيعطيها مثبت حمل
وبقولها اذا مااجت الدورة لمدة 5 ايام تعمل فحص دم حساس بالمختبر اذا في حمل بتصير تراجع عندو واذا اجت الدورة وماصار حمل بترجع تاخد منشط مرة تانية وتعاد الكرة لمدة 3 شهور واذا ماصار حمل بخلال 3 المحاولات يلجئ الى اطفال الانابيب